الحمد لله ..نوسا رجعت لي بالسلامة

[sdim]

حبايبي بالمنتدى : مريت بتجربة غريبة شوي ..استحملوني على ما احكي لكم الحكاية ..
رحت مكة الويك اند وطبعا الفنادق ما تدخل القطط ..
ف كلمت وحدة بالجامعة اعرفها معرفة بسيطة من خلال الكلاسات بس ..زعندها قطة انثى حامل وقط ذكر عمره اكثر من سنة ,ورحبت انها تعتني بنوسا يومين لما ارجع من مكة ..وقالت لي انها ما ح تخليها مع قططها لانها صغيرة وتخاف عليها ..واعطيتها الليتر والاكل تبع نوسي ..
واتفقت معاها يوم السبت تجيبها ع الجامعة واخذها منها
يوم الجمعة ونحن راجعين لجدة ,لقيت اني قريب من المكان اللي قالت لي البنت انها ساكنة فيه ..
فاتصلت عليها اقول لها اعطيني عنوانك كويس عشان امر الان اخذ نوسا
قالت لي :اخوها شاف صورة نوسا وجاي من السفر اليوم ويبغا يشوفها والسبت تجيبها لي
لكن لظروفي الصعبة في المواصلات ( والحمد لله) صممت اخذ نوسا وقتها ...واتضايقت البنت جدا وحاولت انها تخلي نوسا عندها لليوم التاني .لكني قلت لها اني في الطريق خلاص وقريب من بيتها
.فوصفت لي العنوان وقالت تلاقي 4 عمارات شبه بعض استني عندها وانا ح اشوفك من الشباك وانزل لك لبها
وفعلا نزلت بيها ،واعطتني هيه بقفصها ومعاها الليتر وقالت انها ما فتحت كيس الليتر عشان نوسا اول ما وصلت استعملت الليتر مع قطتها ..والدراي فود كان مقفول ما فتحته ..شكرتها جدا جدا جدا وقلت لها ممكن اخوك يمر يشوف نوسا لو مررره يحب يشوفها
الحقيقة كنت مستغربة ..يعني قطها الذكر نفس نوع نوسا ..المهم
رجعت البيت . شكل نوسا مختلف شوي ..
اتفاجأت انها قصت لها شعرها بشكل مرتب جدا (نوسا شعرها ماشاء الله طويل )،وكانت يدينها ورجولها واعلى راسها واسفل ذيلها لونهم رمادي ..موسخين ..فحممتها ..
ما تتخيلوا قد ايش تصيح وتقفز ..مو عادتها ..
ولاحظتها جدا خايفة طول الوقت ,ومررره هادئة بس تستخبى وتنام وما تلعب زي عادتها
سألت البنت اليوم : قلت لها نوسا مختلف شكلها ..قالت لي يمكن عشان غبتي عنها يومين
الحقيقة كنت متضايقة وما قلت لها ليش قصيت لها شعرها ..حسيت لو قلت لها ح اتضارب معاها ..
مو عارفة ..احس كده انها كانت ناوية تبيعها وتقول لي هربت ..او اي شي
شو رأيكم ؟؟