حاب تساعدوني واخذ منكم العلوم

[Musab Pro]

تتمه لما بدأت به اختي مارشميلو

طباعة الصور فيها امرين

اذا كنت تبي تطبع صور اي كلام ممكن تستخدم اي طابعه .

لكن اذا كنت تبي تطبع صور هاي كوالتي ممكن تشتري الطابعات اللي تكلمت عنها مارش

ولكنها مكلفه و يتضح لي من تغيير رأيك عن ال D600 canon ان ميزانيتك محدوده .

لذلك انا انصحك تروح لمحلات تطبع صور المصورين الاحترافييين و هم متخصصين جدا

و يطبعون حتى بمقاسات كبيره تصلح لان تكون لوح جداريه للبيت .

وهذا المشروع انا شغال عليه الحين .. بيتنا بيصير فيس بوك هههههه

اما بالنسبه لجودة الكاميرا ف للامانه انا ايضا ما جربتها ..

الD600 مستواها جيد جدا و تعتبر بوابه للتصوير الاحترافي

حتى لو كلفتك زياده شوي تأكد بانها تستحق سعرها و هي شيك عندك .. اي وقت تبي تبيها بتجيب لك سعر جيد.

اما الكاميرات اللي ذكرتها فلا اعلم عنها اي شيء للاسف ولكني احب انوه بان بعض المواصفات المذكوره

زي عدد الميقا بيكسل او قوة السينسر او الايزو لااااا تعني بالضروره قوة الكاميرا .

راح اعطيك مثال .

كاميرا الnikon D3200 قوة البيكسل حقها 24.2 تقريبا و هذا رقم عالي جدا !!

بينما ال nikon D4 فيها فقط 16.2 ميقا بيكسل ولكن شتااااااااااااااان ما بين الكاميرتين

الاولى تقريبا سعر البودي حقها 3000 و شي ريال سعودي

والثاني سعر البودي حقها تقريبا 25000 ريال سعودي .. نعم خمسه و عشرون الف فقط للبدي بدون اي لنس .

انا لا انزل من قيمة الD3200 فهي جبااااره و خصوصا بالفيديو حيث انها تصور الى 60 FPS ل ال720 HD

وانا استخدمها و مرتااح جدا جدا معها ولله الحمد ... بس لو على كيفي اخذت الD4 او D3 X

ولذلك اقترح فعلا انك تسأل شخص مجرب او تبحث في قوقل عن نتائج تصوير الكاميرا اللي انت تبحث عنها

و ابحث عن الصور اللي مع الكيت لينس حقها و ليس لنسات اخرى عشان تعرف مستواها الحقيقي .

وانت بنفسك شوف هل هذي النتائج مرضيه بالنسبه لك او لا .

اتمنى اني افدتك ولو بالقليل .

موفق ان شاء الله .