أستفسارات يا هواة القطط ساعدوني

[snoopy.j]

السلآم عليكم و رحمة الله و بركاته
انا قبل فترة نزلت موضوعين عن سنوبي كان عنده التهاب شديد في العين و فطريات
وديناه لبيطري و الحمد لله صار زي الفل و صار شيطان بعد هههههه

عندي كذا استفسار اليوم بس اول اعذروني ع القصور

اول شي زوجي لما يلعب ويا سنوبي احس سنوبي يكون عدواني شوي مثلا يعض و يخرمش باظافره
هل هذا الشي طبيعي يدل ع انه مستمتع باللعب او خايف ؟؟؟

ثاني شي لما نلعب معه احيانا يهرب بس نقرب صوبه لدرجة اني حتى لو كنت مشغولة و مريت جنبه يهرب


و الشي اللي يغث في سنوبي اني احط له اكل كل ما بين فترة و فترة
بس من ناكل شي انا و زوجي يطب بوسط السفرة يبي ياكل معنا

و ما ياكل الدراي فود ابدا ما يحبه اخذنا له نوعين اول شي ويسكاس بالسمك و بعدين قريت بكذا موضوع انو ويسكاس مو كويس
اخذنا له نوع ثاني بالدجاج و كذلك ما ياكل
ياكل بس من اكل البيت
دجاج و بطاطس مهروس و كذا

اعذروني طولت عليكم بس مثل ما تعرفوا انا مو خبيرة بهالمجال توني مبتدئه
و يعطيكم الف الف مليون عافيه فعلا منتدى اسطوري و جبار و كلكم متعاونين الله يحفظكم