أسئله محيرتني

[بو نوران]

السلام عليكم ورحمة الله وبركاته...

أنا أخوكم بو نوران

في البدايه الشهر مبارك عليكم

حاب أشارك معاكم بخبرتي المتواضعه اللي راح تتأكدو منها الحين في كم سؤال بسألكم هي وإنشاء الله ألاقي عندكم الجواب آملاً المشاركه من الجميع

عندي ذكر بدي استرالي اشتريته لأنثى مات زوجها قبل مايبلغوا خمس شهور تقريباً

المهم الأنثى تدخل العش وتمنع الذكر الجديد من الدخول معاها رغم محاولات كثير منه للدخول والتزاوج حتى برا العش وعلى كثر ماحاول التزاوج إلا إنهم في النهايه من قوة المحاولات يطيحوا الإثنين وهم تقريباً في نفس العمر

بعدين طردت الأنثى الشريره هذي رغم محاولاتي عزلها وإعادتها مره ثانيه بس من غير فايده

جبت أنثى جديده أصغر من الذكر في العمر وماشالله عليهم توالفوا بسرعه زي الأنثى القديمه بس إلى الآن ولمدة عشرين يوم في محاولات من الذكر لكن من غير فايده الأنثى ناشز ليومكم ذا

أنا خلاص قلت ماله إلا الأنثى هذي ماراح أغيرها لأنها أصغر منه وإذا ماقدر عليها مابيقدر على غيرها

1-بس السؤال بالله عليكم للدرجه هذي التزاوج صعب ونادر الحدوث ؟
2-ولو تزاوجوا مره وحده أكيد بتبيض الأنثى ؟
3-وهل في إحتمال تزاوج بعد ماالأنثى تبيض المره الأولى ؟
4-وإلى كم سنه الذكر ممكن يكون قادر على التزاوج ؟
5- أنا ماعندي مراجيح ولهايات في القفص هل وجودها يعيق التزاوج رغم إني شفت مقاطع تزاوج في المنتدى هذا كلها داخل أقفاص وسلاكات فيها مراجيح ؟

وشكراً للجميع معتذراً عن الإطاله وأعانكم الله على الصيام والقيام وعلى أسئلتي