الكروان عمره 3 شهور ومايعرف ياكل حبوب + بعض الاسئلة عنه

[حلا الورد]

الكروان اللي معي عمره
3 شهور انا معودته ع السيريلاك مو قادره اقطعه عنه
ليش لاني حسيته ماياكل عدل
انا دايم اجرب اجيب له حبوب صغار مره اشوفه يقشرها وكل شي بس اللي داخلها ماياكله
يعني بس كانه يتسلى ماشوفه شي يدخل بمنقاره
وش الحل معه مع العلم اني دايم اجيب له حبوب واحاول ادربه
انا لساتني معتمده ع السيريلاك عشانه مايعرف ياكل
حتى الخس لما اعطيه اياه يخرمه وماياكل عدل يعني باختصار مايعرف يعتمد ع نفسه



ثاني شي كان قفصه قبل صغير والاكل تحت وبدون اعمدة يعني هذول اللي يوقف عليه وسقفه مو عالي


وتوني امس شريت له القفص اللي يجي فيه عمود خشبي وكل شي فوق يعني نفس هذا




بقفصه القديم ماكنت احط له عمود عشان يحط رجوله عليه مادري يمكن عشان كذا خايف ومو متعود والا يمكن لانه بعده صغير مع العلم انه يعرف يطير شوي يعني مسافات بس بالقفص الجديد صاير خايف


ثالث شي انا بصراحة ودي اعرف اذا هو ذكر والا انثى ومالي خلق اوديه محل وحوسه

وقريت مواضيع كثيرة بس مو عارفة شي

هو لونه اصفر ( لوتينو )

اذا صورته لكم من جميع الجهات وجناحه وكل شي تقدرون تساعدوني ؟

عمره ثلاث شهور