طيـــــــــــــــــــوري تموووووووت :( سآآآعدوني !!

[جورجي]

العفو اخوي .. ان شاء الله الفروخ بصحة جيدة
اي تطعم الفروخ كلما نفذ الطعام من الحوصلة
وبالامكان تدريبهم ايضاً ,, لكن مو الان التدريبات .. انتظر لين يكبروا شوية
بالنسبة لطعام الفروخ .. لو مالقيت السيرلاك الخاص بالفروخ ..
تقدر تطعمهم وجبات ثانية .. في خلطة سهلة انا استخدمها بعض الاحيان .. هي
توست + علف " طعام البلابل " + كوران فليكس عادي

صورة لعلف البلابل .. يجي بالعلبة حبات صغيرة

وفيه نوع ثاني مثل هالشكل

الكورن فليكس

تأخد التوست وتقطعه صغار وتخليه يجف تماماً ويصير يابس ..
وبعدها تطحنهم لين يصير بودرة ناعمة
وبعدها تطحن علف البلابل لين يصير ناعم .. والكورن فليكس ايضاً تطحنه
وتحفظهم في علبة بلاستيك .. ويتم حفظهم بالثلاجة لحين الاستعمال
وفي اضافة ممتازة .. تجيب البيض المجفف للطيور وتطحنه لين يصير بودرة وتخلطهم مع بقية المواد السابقة اللي طحنتها ..
صورة البيض المجفف

لكن في حالة ماتوفر عندك البيض المجفف .. بالامكان ان تسلق بيضة " بيضة دجاج بالطبع "
وبعد السلق وتقشيرها تحطها بالخلاط لين تصير ناعمة وبعدها تحطها بوعاء صغير وتضيف بعض من الماء الساخن وبودرة من الخلطة " المواد التي تم طحنها ..
وتخلطهم لين تصير وجبة الاطعام تمام .. اقصد لاهي سميكة ولاسائلة .. وسط .. واذا صارت الوجبة دافئة اطعم الفروخ
يمكن تكون متعبة الطريقة .. لكن الوجبة ممتازة للفروخ .. استخدمتها سابقاً لفرخ بلبل وفرخ كوكاتيل وفروخ روز