طريقتى فى تنضيف قفص البادجى

[bonsho]

النهارده يوم الجمعه
)
يوم الجمعه هو اليوم اللى بنضف فيه تنضيف شامل للقفص

هاقولكوا انا بنضف ازاى
وكل واحد فيكوا يقول هو كمان بينضف ازاى علشان نستفيد من بعض
ومش لازم بالصور


الاول بطلع العصافير برا القفص
علشان اعرف اتعامل مع القفص براحتى



بعد كدا باخد القفص واشيل منه بواقى الاكل بواقى الحبوب
زاحطه تحت الميا السخنه (او ميا مغليه)
واسيبه شويه تحتها


وبنضف القفص بكل اجزاؤه بالمناديل او قطعه قماش (بس انا بقرف او من القماش) انا بستعمل المناديل علشان التخلص منها اسرع
بنضف كل اجزاء القفص بعد ما غرقتها بالميا السخنه



باخد كل مستلزمات القفص المسقاه والاكاله الواقفات
وباردوا انقهم فى الميا السخنه فتره
وبعد كدا انشفهم بالمناديل (طبعا المناديل بتاعت المطبخ اللى هى مش لها اى ريحه)




وبعد كدا بنضف العصافير بنفسها
ببخهم بالبخاخ قبل ما ادخلهم القفص


احط الجرنال فى ارضيه القفص
وادخلهم واركب الواقفات



انضف كل المكان المحيط




وبحط لهم دايما يوم الجمعه وصفه التوم والليمون فى الميا
وحاجة هما بيحبوها فى الاكلاتوحطيت لهم النهاردة
جزر وخيار




بنضف بالطريقه دى كل اسبوع
لكن ورق الجرايد بيتشال كل تلت ايام
والميا بتتغير كل يوم مرة او مرتين
والاكل كل يومين
طبعا بيستحموا كل يوم
ها ايه رأيكوا فى طريقتى مجديه فى الحفاظ على نظافتهم وصحتهم ولا لأ