الاطباء البيطريين !!!!

[عاشقة قطوتها]

السلام عليكم ورحمة الله وبركاته..
مساء الخير اقصد صباح الخير بما ان الساعه تعدت ال 12
اليوم ابغى اتكلم عن موضوع جدا مهم وخطير يخص كل مربين احلى مخلوقات ربي ..القطط
والموضوع عن الاطباء البيطريين
لو تلاحظون فيه كثير مواضيع في قسم سؤال وجواب عن قطط الاعضاء الي اكثرهم مرضوا وتعبوا بعد زياراتهم للبيطري وبعضهم من التطعيمات والادويه الخطأ والغير مناسبه لاعمارهم ..
الى متى هالاهمال من الاطباااء ؟ الي قاعدين يجربون الادويه في قططنا ؟؟
ولا الي يسون عمليات التعقيم واستئصال الرحم بدون اي خبره او مسؤوليه وبعدين القطه تتعب نفسيا وجسديا من الالام الي تتعرض لها وخصوصا انها ماتقدر تشكي ولا تقول وش ال يعورها ..
اكثر المواضيع الي قراتها عن اعضاء ودو قططهم للبيطري عشان التطعيمات وصارت لهم مضاعفات واعراض متعبه وغالبا تكون مهدده لحياتهم ..
صراحه شيء يخوف وخصوصا انه نادرا مانلاقي طبيب متمكنن ويخاف ربه في هاذي المخلوقات الي لاحول ولا قوه لها ..
عن نفسي اننا نهتم بالقطط الي نربيها اهتمام كبيير عشان مانعرضها لاي خطأ من هاذول الاطباء وهاذا الاهتممام يكون ::
*الاهتمام بغذائها من حيث النظافه والفوائد الغذائيه ..والتنوع
*الاهتمام بنظافة الماء وتغييره كل يوم مع تنظيف الصحن الي نقدمه لها فيه ..
*الحرص على عدم خروجها من المنزل عشان ماتنتقل لها الامراض من القطط المريضه ..
*الحرص على ممارسة الالعاب والتمارين مع القطه في اليوم ع الاقل نص ساعه ..
*منع القطه من النوم على البلاط في ايام الشتاء لاكن في شدة الصيف ممكن عشان تبرد جسمها افضل من انها تجلس قدام المكيف ..
*اخر نقططه واهمم شيء (عدم اعطاءهاا اللحوم النيه بتاااااااااتااا لانها تجيب لها امراض مزمنه زي الديدان وداء القطط وغيرها ...)
يعني اتوقع لو نحن حرصنا على هاذي النقااااط انشاء الله ماراح نعرض قطتنا الحبيبه لاي مرض وان ربي كتب في يوم من الايام انها تتعرض لمرض ..فالافضل اننا قبل لانوديها البيطري نتاكد من كفاءتته وخبرته في هالمجال عشان قططنا تكون باحسن صحه ونشاط
وفي النهايه اشكركم على قراءة الموضوع ..
وترى الموضوع كله من جهدي يعني غير منقووووووول..
بالتوفيق للجميييع