شوية استفسارات

[هانم4]

السلام عليكم ورحمة الله وبركاته

اذيكم بجد انا قبل اي استفسار بشكر كل القائميين على هذا المنتدى الاكثر من رائع بجد وبيقدم كل الاستفاده لمقتني الحيوانات الاليفه واشكر كل من يساعدني بخبرته في علاج قطتي بجد بعد التجربه المريت بيها وادت لوفاة قطتي اتاكدت ان الاطباء البيطريين لا يفقهوا شئ ولكنهم بيجربوا على الحيوانات الادويه فقط ربنا يسامحهم للاسف مش بيقدروا قيمة الحيوان كروح فقررت ان اكون معكم واستفيد من خبراتكم
واخص بالشكر كل من يساعد ولو بمعلومه بسيطه مربيين الحيوانات لان بجد فقدان حيوان اليف قريب من القلب مش سهل خالص

هبدا اسئلتي بقى
1- عندي اربع قطط ثلاث ولاد وبنت الان طبعا فيه قط الهوه الاب اصلا عامل عليهم فتونه وبيخوفهم وبيضربهم وطول اليوم خناق معاهم قط سابله الشقه وبينام في غرفتي ومش بيخرج منها بس هو وراه وراه والاخر تحت الكرسي علاطول اعمل ايه واتصرف ازاي معاهم لان خلاص جالي صداع من صوتهم


2-بفكر اعمل عملية الاخصاء لقطيين واسيب قط واحد بس
فكرت في الكبير عمره ثلاث سنين هل حرام وهو كبير كده هل العمليه فيها خطوره عليه ممكن يجيله اكتئاب بعدها لازم يكون الدكتور شاطر جدا ولا عادي اي دكتور يعرف يعملها وكمان هعملها لقط اخر عنده سنه اعملها للقطيين مع بعض ولا كل قط لوحده في يوم


3-السؤال الثالث بقلى القطط متعوديين الحمد لله يعملوا في الحمام بس جنب البلاعه كده والجو بدا يحرر وعايزه اعودهم يعملوا في البلاعه نفسها مش كل شويه انظف ازاي اعودهم لاني وهما صغيريين عودتهم جنب البلاعه


4-السؤال الاخير بقى العايزه فيتامينات تمنع سقوط الشعر للقطط وتكون طبيه لان البيطريه للاسف مش عندي اه وعايزه دواء الديدان للقطط انا بجيبه من الصيدليه البشريه بس عايزه اعرف الكميه قد ايه واعيده بعد كم يوم وعايزه اسم احسن دواء ويكون حبوب علما بان القطط واحد عمره ثلاث سنين والاخوات ثلالثه عمرهم سنه وشهريين

وشكرا كثيييييييييييييييييييير لكم