استفسارات عن القطة

[h_fares el nour]

السلام عليكم ورحمة الله وبركاته

انا عندي قطة بلدي سنها تقريبا 3 سنين

في البداية كنت باحميها وانظفها لكن الان مستحيل لانها بقت كبيرة وبتعض لما باحاول انظفها ههههه فهي لها فترة طويلة على هذا الحال

انا عاوز انظفها اعمل ايه علشان تتعود على الاستحمام ؟؟ مع العلم انها بتخاف من الناس جدااااا وعدوانية جدااااا ضد اي حد يحاول يلعب معاها او يقرب منها (( الا انا وافراد الاسرة )) لانها متعودة علي جدا ومش بتشوف حد غيرنا تقريبا

وبالنسبة للاظافر انا كنت باقصها لكن من فترة بدأت اشوفها مع قطط اخرى من الشارع فقررت مااقصش اظافرها علشان تقدر تاخد حقها لو حد من القطط دي ضربها

عندي استفسارات ..

1- ايه افضل طريقة اني انظفها بسهولة وبدون ما تأذيني ؟؟ واحاول اعودها ازاي على الاستحمام ؟؟

2- ممكن اقص اظافرها ولا ممكن القطط الاخرى تضربها ؟؟

3- هي كانت مش بتخرج من البيت ابداااااا .. لكن حاليا بقت بتخرج من البيت بالليل متأخر لان مافيش حد بيكون في الشارع وترجع قبل الفجر (( احيانا يعني )) .. عاوز اعرف طريقة اخليها ماتطلعش من البيت ابداااا زي زمان .. هل اجيب ذكر يكون معاها يونسها ؟؟ ولا ممكن طريقة تانية ؟؟

4- هل اختلاطها بقطط الشارع ممكن يضرها صحيا ؟؟ واعمل ايه علشان احافظ عليها ؟؟

5- هل يوجد دواء او طريقة اعملها علشان ماتولدش او ماتطلبش تزاوج اصلا ؟؟


منتظر ردودكم ..