كام سؤال عن الجيرمن شيبرد .... الكلب اللى محيرنى

[mohamed abdo]

السلام عليكم
الجيرمن شيبرد ده حكايته معاه حكايه
انا ساعات بقعد اجيب فيديوهات وصور للكلب ده واقعد اتفرج واقول سبحان الله فهو كلب فى قمة الجمال بصراحه واكتر كلب جسمه متناسق و لا يتم عمل عمليات لقطع زيله او ودنه يعنى كلب فى الشكل متكامل جدا
لكن
ناس كتير بتقول ان الجيرمن بياخد على الناس كتير يعنى مش بيلعب مثلا مع صاحبه وبس لا ده ممكن يروح مع اى حد ؟
وفى واحد كان قايل انه عنده جيرمن شييبرد وكان ماشى بيه بالليل وطلع عليه ناس بلطجيه خده منه الكلب والكلب راح معاهم عادى جدا رغم انه كان مدربه شرسه جامده

وانا بصراحه مربتهوش عشان كده مش عارف احكم عليه
فهل هو كلب ممكن تشريسه بحيث محدش يقدر يقربله او واقف فى الحراسه مثلا ؟
وهل هو فطريا كده بيحب كل الناس مش صاحبه وبس ؟ يعنى اى حد يلعب معاه يلعب عادى ؟

انا كل ما اعجب بالكلب ده ارجع تانى اقول لا انا عايز كلب لما اشرسه يبقى وحش كاسر
ايه راي حضراتكم فى الكلب ده عشان انا محتر معاه