اشتريت كوكاتيل جديد .. وعندي اسئلة

[h_fares el nour]

السلام عليكم

اشتريت اليوم كوكاتيل جديد (( ذكر سنه صغير )) علشان ادربه

لما كان عند صاحب المحل كان شكله جميل ووقف على يد صاحب المحل (( داخل القفص )) وظهر لي انه ودود الى حد ما

لكن لما دخل البيت عندي

لقيته بيخاف مني جدا

ولما اقرب يدي منه يعمل صوت يشبه صوت القطة لما تتخانق مع قطة تانية

ويفتح فمه واحسه واخد وضع انه هيهجم لو قربت يدي اكتر منه

وهو مش بيطلع فوق في القفص لكن موجود في قعر القفص ويطلع فقط لما نبعد احنا عنده ويكون لوحده

ولقيته بينفش ريشه كتير

عندي اسئلة ..

1- هل التصرفات دي طبيعية لانه جديد ؟؟

2- هل نفش ريشه طبيعي ولا هو فيه حاجة ؟؟

3- هل مع الايام هيتعود ويرجع لطبعه اللي شوفته فيه في المحل ؟؟

4- من اول ما دخل البيت لم اسمع صوته ابدا الا لما بعدت عنه وحس انه لوحده لقيته بيعمل صوت (( الى حد ما جميل )) .. هل دا طبيعي ؟؟

5- هل انزل له الاكل تحت طالما هو تحت ولا اسيبه هو يطلع براحته ؟؟

6- هل اكون موجود جنبه دلوقتي وعادي طبيعي ولا اكون بعيد عنه ايام لحد مايتعود على المكان ؟؟


منتظر ردودكم ..