طيري عجيب .. مانفع معاه شي ..

[نغمّ]

المشاركة الأصلية كتبت بواسطة جداااوي

هلابك اختي العزيزه
اولا الف مبروك عليك الطير يتربى بعزك
ثانيا كل طير وله اسلوبه وكل طير وله طريقة تدريب مناسبه له
اختي اول شي الطير لازم يكسب ثقتك وتكسبي ثقته
دام عمره 7 اشهر فو من اسهل الأعمار في التدريب وبسرعه يتجاوب
هو لما يشوفك خايفه منه في يزيد شجاعه ورح يعذبك في التدريب فلازم انو تكسري الحاجز هادا
وهو عدم الخوف
خليه يعض لا تسحبي يدك عضه بيكون خفيف لانو عمره مو كبير مره
لاتسحبي يدك بسرعه حاولي انو تتفادي العض بس بطريقه حلوه
هو تغير مكان يدك مثلاً اذا كانت يدك قدام منقاره وهو حاول يعض غيري المكان على يمينه او يساره وحاولي بالحركه هادي لمس خده وتحريك اصبعك بلطف
وزي كدا
اما من ناحية اللعب بالأشياء وتقطيعها فكل انواع البغبغاوات وجميع الأعمار تفعل نفس الشي
فالطير يعتبر طفل ما يتعدى خمس سنوات
يحق له اللعب
والتعليم
والألعاب اللي تستفسري عنها اغلبها موجوده في مراكز بيع الطيور
او انو تخترعي له لعبه من فكرك الخاص

ومن ناحية مسكه بالمنشفه هادي شي حلو منك
بس الأفضل انو تحاولي تتجنبي المنشفه شوي شوي الى ان يتعود على يدك
ودام تمسحي راسه فهادا الشي جدا حلو حاوي تعوديه على يدك اكثر وكل ما تمسحي راسه كلميه بلطف
مثل ( هات راسك او راسك او دلعني ) و اي كلمه تشوفيها مناسبه لك
وبالتوفيق

تسلم اخوي ع النصايح
والله عضته توجع
وكذا مرة يجرح بقوة
صرت اخاف امد يدي له
بس ان شاء الله بحاول واحاول لعل وعسى < تناظره وتقوله صبرك علي هع