سفر القطط معنا موضوع يهم كل مسافر :)

[عيون جدة]

السلام عليكم ورحمه الله وبركاته


اليوم موضوعنا عن سفر القطط معنا لكن مو بالسيارة لالا بالطيارة !


انا حكيت دلوعة قطوتي اني حنزل الموضوع من اول بس انشغلت والحمدلله اليوم فاضيه انزلو لكم

اولا بالنسبه للسفر داخل السعوديه فقط


جيبو بوكس يكون واسع وحطو فيه شوية كريستالات شويه مو يكون كلو كريستال


وحطو القط و لمن تروحو المطار وتاخذوه معكم عادي بدون اي مشاكل ووقت الصعود إلى الطائرة


يكون معكم عاد بعدين براحتكم حطوه وين مابغيتو ,


وانتبه يطلع لانه ممنوع .وخلوا معاكم دفتر التطعيمات لو طلبوه منكم.



ثانياً السفر برا السعوديه


اول شيء لازم تصوم القطه لمدة 5 ساعات او 3 ازا كنتو مسافرين لفرنسا او ايطاليا او او ,, "ممكن تكتفو بالدراي فود والمويه والصوم عن الدجاج والخضار فقط"


لكن لو الامارات او الكويت او الدول القريبه عادي لاتصوموهم


و لازم تسألو الخطوط اللي مسافرين معها ممنوع ولا لا ؟


بعضهم ممنوع وبعضهم تذكرة بحدود 12 دولار وبعضهم بـ 22 ريال


ونفس الخطوات بس لازم تسألو الخطوط اللي مسافرين عليها


حاولو انو وقت التفتيش ماتدخل القطه جهاز التفتيش لانو يقولو مضر !!


انا عن نفسي ادخلها وماحصل شيء الحمدلله


لكن اقول لكم عشان يمكن يفرق من قطة لقطة وتكون بذمتي !


الموضوع حصري لـ 2Zoo >> يا ويل اللي ينقلو


دعواتكم انو نسافر بالسلامه