قطونا المسكين ~

[sealed pearl]

السلام عليكم و رحمة الله و بركاته

بخبركم بموضوع يضحك و ينرفز في نفس الوقت.

اليوم كانت اول زيارة لـ Snow لمركز قطر البيطري

و كنت أبيهم يسوون له Grooming على أساس انه يكون شكله مرتب

طلبت منهم يشلون بعض الكتل الموجودة صوب بطنه (لأنه ما كنا انمشطه كل ساعة/يوم)

عطوني ورقة لآزم اعبيها بعلومات عن سنو مثل نوعه, وزنه, الخ.

جفت بعد:
shaving for head, back, belly and tail
(Medium short or long)

أنا الصراحة ما فهمت و أول مرة اجوف أدوات حلق حق القطاوة<< ههه

فراويت الأخ اللي يشتغل هناك لما مسكت سنو و بأصابعي حددت له طول الشعر قلت له قص هالقد

ما يكون شعر سنو وايد طويل و لا يكون وايد قصير<< كيب ات سمبل

قال لي أوكي و ارجعي بعد ساعتين<< اشدعوة عملية؟

لما ييت عشان آخذ سنو ما عرفته!! تقريباً ما فيه شعر

تخيلوا قطو شيرازي يكون شكله مثل قطو السياميز!

انا من الصدمة تميت اضحك, حبيبي مسكييين خربوا شكله

ما بروح لهم عشان الـ grooming مرة ثانية<< تجربة سيئة

تعتقدون اشكثر لازم ياخذ لحد ما يطول شعر سنو مرة ثانية؟

و هل تعتقدون ان القطو الشيرازي حلو انه يكون قرعة؟

http://www.youtube.com/watch?v=QFkSazlZ8mM

دمتم بود