الــــدرس الســـابع ( الابتســـامة المتحـــركة ) مدعم بالصور

[Elham]

بســـــــــــم الله الرحمـــــــــن الرحيـــــــــم

الســـــــــــــلام عليكم ورحمة الله وبركــــــــاته

الــــــــــدرس الســـابع

الابتســـامة المتحـــركة

الصـــــــورة قــــبل تنفيــــــذ الدرس ..



النتيجة النهائية بعد تنفيذ الدرس



الخــطــــــــــــــــوات ..

نفتــــــــح بــــــــرنامج الفـــــــــوتوشوب ..

من قائمة ابـــدء --> Photoshop CS4 ..

نختــــــــار .. Open <------- File بالعربي ملف -----> فتح



نختار الصورة لي نبي نطبق عليها الدرس



هذه اهي اظهرت لنا بمساحة العمل



بنسوي مضاعفة للطبقة الي فيها الصورة



احين بنشتغل على الطبقة اليديدة لي انا مؤشرة عليها بالسهم



بنطبق عليها فلتر .. بنروح لقائمة Filter بنختار منها Liquify



احين اظهرت لنا النافذة مال ذا الفلتر



شوفوا شنو بنسوي هني .. بنضبط حجم الاداة وبنخليها اتساوي حجم الخد

وبنحطها على ويه البنية .. ولازم نخلي مركز الاداة عند زاوية الفم ..

احين بنشد الفم على جهة الخد بس شوي وبنكرر هالشي عند الزاوية الثانية للفم

شوفو شلون صار فم البنية ..



احين بنسوي مضاعفة للطبقة الثانية .. الي عندها رقم واحد بنحددها وبنسويلها مضاعفة

والي عندها رقم 2 ذي عقب ما ضاعفنا الطبقة الثانية ..

يعني احين حنا بنشتغل على الطبقة الي مؤشر عليها برقم 1



بنروح لقائمة Filter بنختار منها Liquify



احين اظهرت لنا النافذة مال ذا الفلتر



بنضبط حجم الاداة وبنخليها اتساوي حجم الخد وبنحطها على ويه البنية ..

ولازم نخلي مركز الاداة عند زاوية الفم ..احين بنشد الفم على جهة الخد

شوي وبنكرر هالشي عند الزاوية الثانية للفم .. يعني نفس الحركة لي سويناها من شوي

بس اول كنا نشتغل على الطبقة الثانية .. احين نشتغل على الطبقة الثالثة ..

شوفو شلون صار فم البنية .. صارت مبتسمة اكثر ..



نروح لقائمة Animation <--- Windows



اهني مثل مو شايفين .. ظهر شريط الانيميشن وفيه فريم واحد ..



نبي نضيف فيه 4 فريمات زيادة يعني بيصيرون 5 فريمات مع الفريم الموجود ..

طبعا حنا عندنا 3 طبقات فيها صورة البنية ..

وكل طبقة الابتسامة بتزيد بالتدريج ..

يعني الطبقة الاولى .. هي الصورة الاصلية ..

والطبقة الثانية زدنا الابتسامة شوي .. والطبقة الثالثة زدناها اكثر ..

بالنسبة للخمس الفريمات ..

الفريم الاول والاخير .. بتكون ظاهرة فيهم الطبقة الاصلية فقط يعني بنشيل العين من

يم الطبقة الثانية والثالثة ..

الفريم الثاني والرابع .. بتكون ظاهرة فيهم الطبقة الثانية وبنشيل العين من يم الطبقة الثالثة

الفريم الثالث بتكون ظاهرة فيه الثلاث طبقات ..

والصور ذي توضح ..








طبعا هالخطوة وضحتها بالتفصيل بالدروس السابقة عشان جذيه مارح افصلها

وبس للمعلومية اذا تبون الفترة الزمنية نفسها .. وتبون تحددون كل الفريمات

روحو لما الفريم الاول وحددوه بعدين ضغطو على SHIFT وخلكم ضاغطين وروحو لما ا

لفريم الاخير وحددوه بتلاحظون كل الفريمات لي بينهم اتحددت



وهني تحفظون الصورة من ..save for web and devices <-- File



تـــــــــــــم بحـــــــــــمدالله

المـــــــــوضــــــــوع من مجهـــــــودي الشخصي ..و اي ســـــــــــؤال انا حاضـــــــرة

فـــــــلا تنسوني من صالح دعــــائكم .

اختـــــكم في الله : الهـــــــــام