عدة اسئلة بخصوص الكاسكو

[THELIONHEART]

المشاركة الأصلية كتبت بواسطة QaTaR-

السلام عليكم ورحمة الله وبركاته

وعليكم السلام ورحمة الله وبركاته

اولا اهنئكم على هالمنتدى الرائع

اهلا فيك وان شاء الله تفيد وتستفيد

ثانيا

انا توني اخذت كاسكو جامبو عمره على كلام المحل 5 شهور وياكل لحاله وفالحجل مكتوب رقم 10
عينه لونها رمادي والحمدلله ما عانيت من الجعير ابداً

الله يبارك لك في الطير ويتربى في عزك

طبعا بما اني احب الحيوانات حاولت اتقرب منه شوي شوي وحسيته بيعضني وقلت معليه شوي وبيتعود علي

حلو لا تخاف منه وحتى لو عضك لا تخاف لانه بياخذها عاده بعدين ولا تبين له انك تألمت

عضته فالبدايه كانت خفيفه وما كانت بدافع الدفاع
وما كان يطلع معاي على اليد وكنت اقدمله الأكل بيدي

طبعا انت لازم اول اسبوع او اول 10 ايام تفتح له القفص وهو يطلع بروح عشان يحس بالامان اكثر

المشكله هنا بديت اعطيه حب شمسي واشوفه يقشره ويكسر الحبه ويقطها وياخذ غيرها
قلت بغير بعطيه تفاحه ونفس الموضوع يقطع منها ويقطعها ويقطها
عطيته برتقال ونفس الموضوع

خله اول الايام ياكل بروح عشان يحس بالامان مثل ما قلت لك

بس من بعدها خليته ربع ساعه واول ما رجعت له وشافني قام يطلع اصوات ويتحرك فالقفص
ولما اقرب منه يقرب مني فتحت له القفص وقربت يدي وتم يعض فيها شوي شوي وحاولت اطلعه على يدي واردد كلمة تعال
طلع على يدي بعد معاناة دامت 10 دقايق بس مش متوازن ويكفخ بجنحانه وهاذي المشكله الثانيه

وهذي افضل طريقه انك اذا شفته ما هو مستجيب تخليه ربع ساعة او نصف ساعة وترجع له
وكيف يكفخ بجنحانه يعني؟ ،،، اذا قصدك يرفرف فهذا يعني انه يبي يحرك جنحانه او انه مستانس

خليته فالقفص وقعدت قدامه لقيته يلعب بريشه شوي الا قطع ريشه من ذيله قهرني هالشي وبغيت تفسير لهالموضوع

هذي والله ما عندي علم فيها ان شاء الله احد الاخوان يفيدك

ياليت القى عندكم الحل

هذا اللي عندي قلته واتمنى اني ما نسيت شيء

وحاليا اناديه (وحش) ما لقيت اسم ثاني

انت حر وش تسميه ما حد بقولك لا

تحياتي