محتاج لنصائحكم

[ريش اخضر]

السلام عليكم ورحمتة الله وبركاته

عندي اثنين ذكور من غير اناث (اشتريتهم على انهم جوز وطلعوا ذكور)
واحد منهم بالغ والثاني بعده صغير وهالصغير وهق البالغ على انه انثى ووقتها البالغ كان في حالة اكتئاب لاني اخذته وهو كان مع انثى (طبعا من غير قصد) المهم فصلت الذكرين واهلي جابوا جوز ثاني والذكر المكتئب حط عينه على الانثى ورجع نشيط.

الزبده الي ابغى استفسر فيه هو ان اذا جبت انثى ثانية وحطيته مع هالذكر هل راح يتوالف معها مع وجود الانثى الاولى؟ ام لازم ابعد الانثى الاولى عن نظره؟

وهل اي انثى توالفت مع ذكر بعدين شافت ذكر ثاني يغرد لها راح تترك الاول وتاخذ الثاني؟ انا اخاف الذكر الصغير يخرب كل شئ لانه فالح في التخريب (الوان ريشه حلوه مصبغ بايد و لا بعد متين ). طول الوقت يغرد ومايعطي فرصة للغير واذا غردوا ينقز على قفوصهم ويبصبص عليهم كانهم يغردون عشانه وهم مساكين يسكتون -____-

إي صح في شئ ثاني, يصلح اشتري للذكر الصغير انثى او انتظر لحد مايبلغ؟ لان ماودي انهم ينتجون سواء بتقولون البيض راح يكون مخصب اولا لانه مابلغ.

اتمنى اقرأ نصائح من مجربيين.

كثرت من الحكي بس علشان تفهمون الوضع صح...