طريقتي (الخاصه) في تربية وتدريب فروخ الكروان (حصري)

[جورجي]

اهلا وسهلا اخوي بالعكس اسأل زي ما تبي

اولا اخوي فراخ الروز كانو سليمين ولا فيهم شي ساحبهم فقط لان الجوز جديد على الانتاج ولا توفق في الانتاج الاول وكانو في ايام المربعانيه عشان كذا حطيت العلبه المستطيله ويكون تجويف العلبه المستطيله حاجز يمنع تسرب البروده للفروخ وجميعهم يتكلمون واصواتهم واضحه
ولله الحمد وراعين لعب وخدع بسيطه

اما كروكو مربيه في اخر فصل الصيف تقريبا قبل الرمضان شهر 7 و كان مصاب بما يسمى بالكساح وهي حاله تصيب العضام تسبب تشوه للعضم

(العضام تكون لينه جدا لنقص الكالسيوم وحضانت الام تسبب انفراج الساقين مما يؤدي الى تعوق اقدام الطائر مستقبلا اذا اهملة الاصابه )

وهذي صور رجله وهو بعمر 4 ايام ...
حطيته في العلبه عشان ما يمد رجليه ويتصلب العظم بالشكل الطبيعي

الشوفان بصراحه اخوي ما جربته ولا اقدر افيدك فيه

اما الوجبه اللي في مرحلة الفطام عباره عن :

حب شمسي مقشور اخذه طال عمرك وادقه في النجر واضيف عليه حب الكناري غير مقشور لكي يتعلم التقشير ولا راح يبلع شي الا ويجرب يقشره واضيف عليه شوي من البيض اللي يباع بالمحلات لونه اصفر جاف ماتحضرني صورته لكن ان شاء الله اضيفه .

او بقايا الوجبه اللي اوكله اياها احطها عنده بصحن وهو يفترس على راحته

عساك فهمت الزبده

واي استفسار انا حاضر يالغلا

شكراً لك أخي عالرد الراقي ..فهمت طريقة وجبة الفطام وسبب العلبة
عندي اسئلة ثانية
انا قريباً راح يفقس بيض الروز .. ربما بقي 10 ايام او اقل وانا ابغا الفراخ تصير أليفة جداً وماتعض لان من تجربة سابقة شريت فرخين روز بعمر شهر وعدة ايام وكانوا ظريفين ذاك الوقت بس الحين كبروا بعمر 3 اشهر تقريباً وصاروا الان يعضوني بقوة ماادري ليش مع انهم اليفين ويطيروا ويجو لي .. السؤال المهم لما يفقس البيض .. اسحب الفراخ بأي عمر يعني 14 يوم او اقل ؟
وتوني ادري ان فراخ الكروان تجيها حالة كساح .. قررت اني اشتري فرخ كروان صغير مرره .. تقترح على فرخ بعمر 10 ايام مثلاً ؟ واشوف كيف جلسة الفرخ علشان اعرف وياه كساح او لا من نفس جلسة كروكو وهو فرخ في الصور ؟
مافيه مشكلة اخلي فراخ الروز بعلبة وعلبة ثانية فيها فرخ الكروان في نفس الحاضنة ؟
أخوي اشكرك مرة ثانية على طريقة الحاضنة .. لاني كنت ادور على طريقة علشان تبقى الفروخ دافئة لان الحين الجو بارد وطريقتك أفادتني جداً