منتديات تو زوو متخصصون في عالم الحيوان وتربية
المخلوقات الجميلة ويضم منتدانا أكبر وأروع تجمع لهواة تربية الحيوانات والطيور
والأسماك والأحياء المائية والزواحف والبرمائيات ولمتابعي تحركات الحشرات
والمفصليات ولمحبي الزراعة والعناية بالنباتات كما نوفر لكم من خلال سوق تو زوو
الالكتروني الكبير عرض سلعكم بالمجان وبعد ذلك كله تستريحون في استراحة الهواة
متمنين لكم طيب الاقامة لدينا
 |
 |
|
|
|||||||
|
|
أدوات الموضوع | إبحث في الموضوع | طرق مشاهدة الموضوع |
12-02-2007, 01:52 PM
|
#1 |
|
هاوي متميز
|
نكتة همتارو و همتورة تبعي !!!!
كنت نايمة الصبح الساعة 10 .. يت أمي .. قالت لي .. أزهار .. وين همتارو تبعج ؟ قلت لها .. ما تشوفيني نايمة ؟ في قفصه طبعا ! إلا تقول لي لا مب في القفص ! القفص مبطل !!! و همتارو مب هناك ! آنا بصراحة فصلت همتارو عن همتوووورة عشانها الكريهة ما بين عليها آثار حمل ! خليتها في قفص ( من تصميمي ) و خليت همتارو في القفص تبعهم اثنينهم ! في الصبح بعد ما وقظتني امي .. رحت أجيك ! لاحظت ان القفص فيه فتحة ( الأنبوب اللي في القفص عبارة عن مجموع انابيب موصلة مع بعضها _ الله يسلمكم الأنبوب انفتح في جزء منه و طلع منه همتارووو الغبي لأني أثناء التنظيف ما سكرته زين ) بطلت عيوني  و انزهقت .. وين راح همتارو ؟ أخاف ليكون همتورة بعد طلعت ! بروح أجيك .. رحت أجيك ! و فعلا .. همتورة مو في قفصها و لا هي داخل بيتها ! وين راحت هالثانية بعد ؟ عفست البيت فوق حدر من صباحة الله خير .. قلت في نفسي ما فيه أمل أحصلهم غير في الليل يمكن يجوعون و يداورون مني مني ! أو يرجعون للقفص ! و على فكرة همتورة طلعت من قفصهااا عشاني ما عرفت اصنع ليها قفص آمن ! قدرت تتسلق و تطلع هالساحرة هذي . كنت حاطة القفصين على الدرج من أسفل .. أمي قالت جايز ركبوا فوووووق ! قلت لها يجوز ليش لاء .. امي راحت .. و فعلا .. شافت همتارو مطلع راسه من تحت الخزانة اللي في استراحة الدرج ( كلش فووووق ) .. يعني معناها همتارووو ركب الدرج بأكلمه لين وصل للنهاية و شاف الخزانة الآمنة و انخش تحتها ! نادتني .. الحقي .. ازهاااااااااااااااااارررر .. الفار تبعج أكووو اهني ! ههههههههههههه خوب هي ما تسميه إلا فار .. خاصة اذا انقهرت عليه .. طلعت لي جزرة من الثلاجة و نهشتهااا من أعلى عشان تفوح ريحتها .. مسكتهااا و حطيت طرفها قريب الخزانة من أسفل .. ما اشوف الا همتارو جاي بالعاااااافية و قاعد ياكل ( الحمـار ) .. مسكتها فجـأة ما افتكرت فيه من القهررر .. و رميته في القفص تبعـه .. ( وديت القفص معاي فوق ) قلت الحين باقي البلوى همتورة .. ما يندرى وين انخشت في هالبيت الواسع ! أمي نزلت .. قعدت لما أذن أذان الظهررر أراقب همتارووو و هو في قفصه .. ما حبيت أمسكه لأني ما حبيت أضايقه من صباحة الله خيررر .. و آنا قاعدة و المؤذن يقول الله أكبرر .. ما اشوف الا همتووورة مطلعة راسه من تحت الخزانة بعد لااااااااااااا و الله أني مفرقتنكم عن بعض عشان تحملين يا الخروفة .. أتاريج تتحديني و ترجعين له ؟ لكن براويج قربت ايدي في سرعة البرق أبي أفغصهااا .. ما اشوف الا تركض ركض الملعونة و تنخش داخل ! هذي ويش يطلعها ؟ كل اشوي تطلع و ترد تدخل .. مللتني .. وش فيها خايفة لهدرجة ؟ و الغريب ان همتاروو لأول مرة في العمررر ( يبي يطلع من القفص يروح حقها ) وش هذا ؟ آنا خبري من اطلعهم برع يتهاوشون على القفص و الحين ما يبونه ؟ ليكون فيه سم  اخذت سلة صغيرة قطعت فيها اشوي من الجزرة و حطيت فيها نشارررة .. و لا اشوف الا همتورة جاية بالعافية و قاعدة في السلة و تاكل بالعافية  أخذتها هي بالسلة و قطيتهاااا في علبة بلاستيك صغيرة فيها ثقوووب و سكرت عليها خليتها تولي في علبة البلاسيتك .. الحين مستحيل تقدر تطلع ..  و فصلتهم بعيد كلش عن بعض .. القفص في وادي و علبة همتورة في وادي ثاني ! آآآآآآه تعبوني .. بعدها رحت أصلي .. و قلت للماما باركي لي حصلت همتورة كانت صج صج صج صج فاااار متنكر .. شيطااااااااااااااااااااااااانة  روسي هاللون ؟ يركض كأنه وزغة بس ما انكر انهم من يشمون ريحة يدي يجون لي آنا احبهم واااااااايد .. و خاصة همتارووو رغم شطانته بس في هالسالفة كانت همتورة اشطن الله يلعنهااا أم دبة .. قولووووا ان شاء الله حامل .. صايرة متوحشة ! هل التوحش دليل الحمل ؟ جان زيييييين .. على فكرة .. كانت تقطع بيتهم اللي من كرتووون و تدخل القطع داخل الأنبوب و تنام عليه ! أكلوا بيتهم الكرتوني القديم كله  دخلت لهم الحين بيت من حديد وين يقرضونه الحين ؟ أدري طولت عليكم .. الفراغ و ما يسوي .. و سلامتكم حبايبي |
|
| Bookmarks |
«
الموضوع السابق
|
الموضوع التالي
»
| الذين يشاهدون محتوى الموضوع الآن : 1 ( الأعضاء 0 والزوار 1) | |
العرض الشجري
|
|
جميع الأوقات بتوقيت GMT +3. الساعة الآن 04:38 PM.
الإدارة غير مسئولة عن أي اتفاق تجاري أو تعاوني بين الأعضاء
فعلى كل شخص تحمل المسئولية تجاه مايقوم به من بيع أو شراء أو اتفاق أو اعطاء معلومات
فعلى كل شخص تحمل المسئولية تجاه مايقوم به من بيع أو شراء أو اتفاق أو اعطاء معلومات
 |
 |
 |