استفسار بخصوص اول عملية حمل وتلقيح

[الفارس المصرى]

انا اسف بس دورت فى المنتدي عن اي اقتباس او توضيح لسؤالي بصراحة ملقيتش


قطتي عمرها سنة تقريبا وتاني مرة تطلب الزواج اول مرة كانت سبع شهور استنيت عليها مجوزتهاش قولت علشان يكون اكتمل نموها وقادة على الحمل

والحمدلله دي تاني مرة

جبتلها ذكر عمره سنتين ونص واول مرة يتزوج وبصراحة كنت خايف لأنه معندوش خبرة المهم جبتهولها فى البيت والحياة مشيت غريبة

رافض ياكل ولا يشرب ومستخبي المهم بأختصار بعد يومين اخدوا على بعض لما حطيتهو بغرفة واحدة وقفلت عليهم

واكرر بغرفة واحدة ... بس بعد ما جه بتمن ساعات تقريبا مش على طول


المهم بدأت عملية التلقيح الحمدلله النهاردة وحصلت يمكن مرتين ادام عينيا .. والذكر ماشاءلله مش سايبها فى حالها وراها وراها فى كل حتة بتروحها فى الغرفة زي البودي جارد


والحمدلله فى مرتين الزواج علامات الزواج بانت عليها زي الصراخ بصوت عالي وكمان التمرغ فى الارض

السؤال بقى بعد حكاية علي بابا دي كلها


انا ناول اقعدهم سوا حوالي تلات ايام كمان سوا .... كتير ولا لأ ؟؟ وبصراحة انا خايف عليها من كتر ممارسة الذكر العمليةا لجنسية معاها

هل ده شئ طبيعي ؟؟ وامتي ارجع الذكر لصاحبه تاني ؟؟ مع العلم انها لسة لحد دلوقتي لما بتطلع برا الغرفة بتعمل علامات الهياج الجنسي المعروفة ؟؟؟


انا بس قلقان من كتر الحكاية دي وخايف عليها ولا عادي ؟؟