التزاوج .. مطلوب آراء خبراء

[أمازون]

السلام عليكم و رحمة الله و بركاته

تشرفت بالالتقاء بالاخ سعود من المنتدى ، حيث كان واضع اعلان مطلوب ذكر للتزاوج و انا طبعا الذكر اللي عندي كان جاهز و هو حسب كلامه ان قطوته جاهزه بسبب علامات دوره الشبق .

أخذت القطوه عندي في البيت، عشان الذكر اللي عندي يكون هو المسيطر بشكل أكبر بما ان البيت منطقته فما راح يواجهه مشاكل .

خليت القطوه في قفصها و الباب ما فتحته و جبت القط الذكر يشوفها ، طبعا صار تنافر من اول شي و هذا شي طبيعي و أصوات غريبه اول مره اسمعها من قطي

انا كنت بين القطوتين عشان لا يصير اي مشكله و قريب منهم ، بعد شوي هدأو شوي و فتحت باب القفص و لكن الانثى ما طلعت و الذكر يحوم و يدور حول القفص و هو يطلع أصوات غريبه و قويه ، أعتقد هذي دلاله على انه يبي يخضع الانثى اذا ما انا غلطان و يفرض سيطرته ،،، الانثى ظلت في حالة دفاع داخل القفص ، بحيث انها لفت ذنبها حولها و تطلع اصوات ايضا ، بعد ساعه من هالكلام ، مازال في اصوات يصدرها الذكر و يحاول يقرب و لكن اذا قرب كثير الانثى تطرده بقوه ...

الآن صار تقريبا ٤ ساعات و الانثى لسه جالسه في مكانها ما طلعت من القفص ولكنها جالسه و مسترخيه ، و الذكر ايضا مسترخي بعيد و نامو شوي هههههه ، حاول الذكر من جديد يقرب و لكن الانثى تصده و اذا صدته هو يطلع اصوات بقوه و يخليها تجلس مره ثانيه مسترخيه <<< عاد انا مستانس من الفحل اللي عندي هههههههههه

ماراح اخليهم سوا الليله ، لاني بنام و اخاف يصير شي بصراحه ، و القطوه امانه عندي مابي اي شي يضرها .

المطلوب أبي آرائكم شباب ، كم يحتاج اصبر اكثر ؟ هل لو استمر هالحال الى يوم زياده معناها الانثى مش جاهزه او الذكر مو جاهز؟ أم ان الوضع طبيعي و عادي اتركهم و اخليهم بروحهم ؟

انا أكثر شي شايل همه هو تصير مشاجره كبيره و تضرر القطوه ، و هذا شي ما أبيه نهائيا ، لهذا احتاج لنصائحكم بخصوص هالمسأله بشده و بالاخص اللي مجربين تزاوج من قبل .