أبي قطوة بسس << أوووت

[ĐŘ▫sђâŤђâ ≈ ๏̯͡๏]

هلا حبايبي
شلونكم ؟!.

المهم ادخل في الموضوع دوغري

انا اعشق القطط بشكل فظيع بس اهلي اوب راضين ابد

قبل كم يووم قلت خلاص ابي اشتري قطوه كلمت ماما قالت براحتك بس تجيب امراض ومادري شنو ؟ والمهم ما تدخل البيت حطيها في اي مكان فتحت فمي قلت وين احطها قالت كيفك دبري نفسك ما تدخل بيتي اختك صغيره (شهرين عمرها )واصلا اخوانك ما يخلونها يذبحونها من اول يوم

بعدها رحت لجدتي وقاعده اسولف معها باسلوب قالت شذى اخلصي وش تبين ؟ هع وكلمتها بالموضوع قامت تهاوش وتقول لو تموتين ما تدخل بيتي

وبعد كم يوم قرررت اشتريها واحطها في الدرج او في الحديقه كلمت اهلي ووافقوا اني احطها برا
واليوم ان شاء الله بروح اجيبها

ادري ان القطط المنزليه ماتعيش برا بس شسوي مجبوره احبهاا موت واهلي رافضين

سؤالي
ممكن ان النوع الفارسي(الشيرازي) او الامريكي يعيش برا البيت ؟؟
وفي نوع ممكن يعيش برا غير البلدي لاني ما احبه ابد ؟
واخذ كم عمره ؟؟

وشنو المسلتزمات عشان احطها برا يعني غير الليتر بوكس وهالاشياء اقصد شنو تحتاج عشان احطها برا ؟ مظله ولا كوخ كبير

ايام البرد شنو اسوي فيها ؟؟ وايام الحر بعد ؟؟


وانا بحاول في اهلي بعدما اجيبها يمكن يحبونها ويدخلونها البيت ؟ اهم شي تجي الحين


ايه صح هل الوقت مناسب اني اشتريها يعني البرد جاي والمدرسه بكره ماتحسونه وقت غبي لووول

بليز ردوا علي بسرعه محتاجه لكم