ساعدوني عندي 4 بسس صغار

[توتة زاكية]

مرحبااااااااااا


في بسة جابت 4 بسس صغار والبسة ماتت قبل يومين

طول الليل ما نمنا من صوتهم وهم عم بموووا لان البسس فوق الدار كانوا

الصبح امي احكتلي روحي شربيهم حليب حطتلهم حليب وما عرفوا يشربوا لحالهم

شكل عمرهم اسبوع او اسبوعين ما بعرف كم بالزبط حجمهم تقريبا متل كف الايد او اكبر شوي فعشان هيك خفت عليهم وقررنا انا واختي نربيهم جبناهم ع الدار وشربناهم حليب بالسرنجة وصاروا يشربوا


وجبنالهم كرتونة كبيرة وفرشناها عشان البرد

وصرت اشربهم حليب واخففه بالماي كل ساعين او تلات حسب نومتهم وبعد ما يشربوا صرت انظفهم من تحت لانهم ما بعرفوا يتبرزوا لحالهم


وهلئ انا صرت متعلقة فيهم كتير قبل ما انام لازم اطمن عليهم اذا متغطيات منيح او لا او اذا جوعانات حتى بطلت احب اطلع من الدار صرت ملزقة فيهم ليل نهار عشان هيك خايفة عليهم ولهيك بدي اسألكوا اكمن سؤال


لاني ربيت بسس كتير كتيرررررررررررر بس اصغر واحد ربيته كان عمره 3 اشهر وهادي اول مرة بربي بسس صغار

هلئ ما بنفع يوكلوا شي غير الحليب بس حليب لازم اشربهم
ولازم اشربهم ماي

واحكولي شو لازم اعمللهم وهلئ طول اليوم هيك بضلوا نايميين

وكمان بعد ما بشربوا حليب وبشبعوا بقعدوا يمووو وبصيروا يتسلقوا ع الكرتونة بدهم يطلعوا ولما احطهم ع التخت بصيروا يتمشوا ويموا وما برضوا يناموا او يلعبوا

وكمان لما بناموا بناموا ع فوق بعض هذا اشي عادي او لا