هل الشكولآته واللبنه مضره للببغاء !! وبعض النصائح ليحبك طيرك

[لآ تغرك الآيآم]

كيف الحال محبي الطيور بكل انواعها

عندي كذا استفسار عن ماي "كوكو" "افريقي رمادي"

هو انسان اقصد طير وليف لاقصى الحدود
اللي تقولون اقصى المراحل التمسيد .. الحين انا اخليه هو اللي يمسدني

المهم عندي استفسار عن بعض الاطعمه اللي ياكلها هل هي بتضره ولا ما فيها شئ


دايم على الفطور آكل "لبنه" وهو دايم اغلب الوقت على كتفي يفطر ويتغدى ويتعشى معي

وعنده ادمان غير طبيعي على اللبنه !
ينساني وينسى نفسه وممكن يعمل اي شئ علشان ياكلها !
طبعا ً انا اعطيه منها لكن اخاف انها تكون مضره له لانه ياكلها بشراهه قويه جدا ً

فهل تعتقدون انها مضره له !
وياليت تجربون ببغاكم ياكلها ولا كوكو حاله استثنائيه
طبعا لبنه اولكر التركيه


وشئ ثاني اذا شاف معي شوكولاته ينهبل يبي منها !
فهل هي مضره .. لاني دايم آكلها وهو ناشب لي على كتفي 24\7



ونصيحه لمن يبي ببغاه يحبه .. عطوه من عظام الدجاج عند الغداء
خصوصا ً اذا كان جديد وبدأ يتعلم انه يجي على كتفك .. او اذا كان في قفصه
وربي انه يفصفص العظم وياكله ويطلع اللي داخله
واذا خلص تشوف خشته كيف ويقولي يبي ثاني بعد

وحاول تكون على طول حوله وحسسه انك مهتم فيه .. وربي انهم حساسين للآخر
اذا زعلت منه وحطيته في قفصه يصارخ وينادي ويعرف اني زعلان يبيني اجيه بس

دايم غير له المويه حتى لو كانت نظيفه علشان يعرفك صح ويعرف انك "مربيه"
وكذلك الحب انا ما احط له كثير علشان اغيره له اكثر من مره في اليوم ويعرفني اكثر (على ايام اول)

وان شاء الله احصل احد خبره يفيدني في الاستفسارات