الجن والببغاوات

[هتـان]

يا اخوان عندي حالة غريبه


بس قبل كل شي هل الببغاوات ترى الجن

يا ياخواني بعض الاحيان بالليل اسمع صوت زي لما تطير صواريخ الطراطيع وهذ الصوت من الببغاء ولما ادخل عليه القاه طايح من فوق الى ارضية القفص ويتنافض من الخوف ويبقى كذا فتره متجمد من الخوف ويناظر باتجاه معين مايلتفت عنه تقول شايف ثعبان في المكان وبعدين يطلع فوق وينام بس احيانا يكررها اكثر من مره في نفس الوقت يعني بعد ما يطلع فوق بشوي يسوي نفس الحركه. ومره سواها وانا كنت عنده بنفس الغرفه يعني لحد يقول ان بيتنا مسكون انا شفته بعيني محد قالي وهو يطلع هذا الصوت

يا اخوان اللي عنده حل او يعرف ايش معنى هذا يقولي لاني كثير من الاحيان اصحى من نومي متخرع بسببه بس قبل الحكم انه من اهل الارض الله يكافينا الشر عندي سؤال يتسدح على الكيبورد هل هناك حشرات يخاف منها الببغاء (مثل البعوض او الذباب الصغير الخ) او هل من الممكن ان الببغاء يحلم بكوابيس مثلا هذا فقط عشان الاخوان اللي راح يقولون حط له سورة البقره وغيره من هذا الكلام يعني نبي كلام منطقي وصحيح واضافه الى هذا كله فيه حديث عن الرسول عليه الصلاة والسلام يثبت فيه ان هناك بعض الحيوانات ترى الجن وتصدر اصوات مثل الحمير والكلاب اجلكم الله

واضيف بعد انه ضل ساكت ويتنافض ويرتعد لما اقرب منه من اول ما شريته يعني من 3 شهر تقريبا وما اصدر اي صوت الا من يومين ولكن مازال يرتعد من الخوف بدون اي سبب وهو ياكل من يدي بدون اي خوف بس يضل يرتعد وما يطلع على اليد وعنيد جدا جدا