الدكتور محمود و القط البريأ

[عاشق الحيونات الطبيعه]

السلام عليكم ورحمة الله وبركاته




** عمرك فكرتى فى يوم تحاولى تفهمى احساس قطتك الرقيقه؟؟؟ **


سؤال عجيب وغريب ياترى سالتيه لنفسك فى يوم من الايام !!


بس اللى يقدر يجاوبك على السؤال ده فقط ..... اللى كان حظها حلو وقدرت تربى قطه


القطه مش بس حيوان بتربيه فى بيتك عشان تاخدى عليه ثواب

ومش بس بتاكليه عشان تخافى تدخلى بيه النار او تشربيه عشان تاخدى بيه حسنات وثواب من عند ربنا










ده مخلوق حساس جدا
تبصيله .. ينسيك كل همومك ولو عندك ملايين المشاكل والهموم
تلعبى معاه ... تحسى بنعومته وطيبته وحنيته







فكرتى قبل كده يكون عندك طفل صغير بيسمع كلامك فى كل حاجه
تروحى شمال يروح معاكى ... تروحى يمين برضه يروح معاكى












وانتى نايمه يجى الصبح يصحيكى باايده الرقيقه يلمس خدودك
و كمان لو صحيتى فجاءه بليل تلاقيه نايم جمبك فى حضنك بيحاول يدفى بيكى








اجمل مافى القطط مش بس لعبها وشقاوتها وتنطيطها
ده كفايا بس نظرة عيونها البريئه





نظرة عيونها .... احساس بيخطفك يحسسك بالرقه والحنان
اد ايه القطط ده كائنات رقيقه جدا ومخلوقات جميله جدا






مهما اتكلمت اكتر واكتر مش هقدر اوفيها حقها من حبى لها


فكرى تقتنى قطه لو معندكيش .... ولو عندك حاولى تلاحظى تصرفات قططتك وتخلى بالك منها
هتحسى باللى عمرك ماحسيتيه فى حياتك

بجد وعن تجربه







** عمرك سالتى نفسك سؤال مهم ... هى القطط ده بتفكر ازاى ؟؟ **








هقولك اانا بتفكر ازاى

بتفكر تلاقى صاحب يحبها .. ويهتم بيها ويخاف عليها ... وياكلها ويشربها
مخلوق ضعيف ميقدرش ياكل نفسه ولا يشرب بنفسه ولا ينضف نفسه

تخيل لو انتى مكانها عاوزه تاكلى ومش لاقيه اكل او مش لاقيه ميه
تخيلى مدى احتياجك لحد يساعدك هيبقى ازاى ؟؟


القطط بتفكر فى عز البرد تلاقى مكان يدفيها ... فى عز الجوع تلاقى حاجه بسيطه تشبعها
فى عز الخوف تلاقى ايد حنينه بتطبطب عليها






اما تبصللك بنظرة حنينه رقيقه بتحاول تكلمك تفهمك هى عاوزه ايه
اما تمشى وراكى وتمسك فى لبسك او تحاول تنط عليكى او تلعب معاكى

واما بتعيط زى طفل صغير جميل بيكون احساساها ايه ؟؟







واما بتضحك ضحكه جميله تحسيها ياترى بيكون احساسها ايه ؟؟










وتيجى انتى بشكل انانى وتضربيها او تبعديها عنك بدافع انك مخنوقه او مضايقه او معندكيش وقت
تجرى هى وتبعد وتستخبى وتقعد لوحدها


** عمرك حسيتى هى بتفكر فى ايه ساعتها ؟؟ **





بتفكر انها ملقتش الحنان والدفئ اللى بتدور عليه مع صاحبتها
ملقتش الايد الحنينه اللى تطبطب عليها وتلعب معاها
اد ايه ساعتها انتى كسرتيها وحزنتيها
اد ايه انتى زعلتيها





القطط بتجيلها اكتئاب على فكره وممكن كمان تجيلها مرض نفسى
لانها بتحس مش جماد .. لا بتحس وبتفهم وبتتجاوب كمان مع الوضع المحيط بيها


لو عندك قطه حامل مرتبطه بيها هتقدرى كلامى وتفهميه
بتيجى تشدك ليها عشان تكونى جمبها وهى بتولد
تيجى تشد ايدك علشان تطبطبى عليها وتدلكى بطنها عشان تساعديها فى الولاده
شوفت ازاى بتبقى محتاجه حنانك وانك تكونى جمبها

شوفت اد ايه للدرجادى القطط بتفهم وبتحس

اد ايه القطط ده كائنات رقيقه ومخلوقات جميله بجد من غيرها حياتنا كانت هتبقى ناقصها كتير اوى

اد ايه اما تكون تعبانه ونسمع صوتها وهى بتتألم
مش عارفه ايه اللى تاعبها ومش عارفه تساعديها ازاى
نفسك تقوليها مالك فيكى ايه
نفسك تتكلم وتشكيلك عشان تساعديها

عمرك سمعتى صوتها وهى تعبانه وفكرتى فيه !!
عمرك حستيها وحسيتى احساساها والامها !!








ياترى قدرتى توفي قطتك حقها فى اكلها وشربها وتطعيماتها ولا كنتى انسانه انانيه كل همك انك تربيها وتكبريها عشان تخلف وتجيب عيال وتبيعهم
وتكسب
ايوه بتفكرى فى المكسب وبس
ومش مهم احساس قطتك ولا تعبها ولا احتياجها ليكى

للدرجادى اصبحت القطه مجرد سلعة للمكسب والربح بدون ادنى اشفاق عليها
واول ماتتعب او يجيلها مرض خطير تسبيها وتتخلى عنها

ياترى احساساك ايه لو انتا مكانها وتعبانه ومحتاجه اللى يداويكى ويساعدك
محتاجه اللى ياكلك ويشيلك ويحس بتعبك والامك

ياترى احساسك ايه وانتى وحيده وكل اللى حواليكى تخلوا عنك ؟؟

عرفت اد ايه انتى انسانه انانيه بتدورى على مصلحتك

ياترى بعد كلامى ده هتراجعى نفسك هتراجعى معاملتك لقطتك
ولا هتعاملها بنفس المعامله اللى متستحقهاش منك ابدا

ياترى هتبقى انانيه ولا هتقدرى تحافظى على قطتك وتديلها الحنان اللى محتاجاه

هتقدرى توفريلها كل الاهتمام والعنايه والاكل والشرب والمكان المناسب لها
وتجبيلها كل احتياجاتها كانها طفل صغير بتربيه
وتتعلمى اكتر واكتر عن تربيتها وسلوكها وازاى تحافظى عليها

ولاااا... !!!

فكرى

نعم ام لا






نصيحه لكل مربى قطه ..

حافظ عليها اعتبرها زى بنتك الصغيره اللى ملهاش حد فى الدنيا غيرك بعد ربنا

اديها اهتمامك ..حناناك .. رعايتك ... وقتك
اديها حبك لانها محتجاه جدا جدا


ونصيحه للى حظه وحش ومجبش قطه
متفوتش الفرصه انك تشترى قطه
بجد بجد هيفوتك كتير اوى اوى لو مجبتش قطه
هتحس باحاسيس عمرك ماحسيتها فى حياتك
هتحس بطعم الدنيا بجد فى نظرة عيون قطة رقيقه

واخيرا ...... نحمدالله ونشكره على خلقه لهذه الكائنات الرقيقه اللى بتنور حياتنا
وبنستمد منها طعم ومذاق خاص لحياتنا
_________________________________________________
للامانة منقول