فطريات زعتره

[نوديوس]

بصى يا فاتو:
أنا كان نوسة عندها فطريات، بصراحة كنت بستعمل بيتادين سائل و أعتقد إن المرهم أكيد مطهر برده، و بعدين كنت بحط مرهم إسمه بنزانيل و بعدين محلول ديرماتين و كل حاجة كنت أحطها و أدعك و أسيبها تتهوى شوية و فى الأخر كنت بحاول أنشف على خفيف بقطنة
و بالنسبة للتعرض للشمس مهم جدا عشان تخف بس يعنى نص ساعة و مش فى الحر الشديد يعنى بدرى أو بعد العصر
و ما تغطيش المكان عشان يتهوى
و بعدين إنتى تمسكيها و تتطهرى إيدك كويس، هى المشكلة لو فى فطريات ممكن تكون فى مكان تانى إنتى مش شايفاه و الحمد لله أنا و أولادى ما حدش إتعدى منها
و بعدين لازم تطهرى مكان ما بتنام بمحلول ديتول على كلوركس مخفف أنا كنت بستعمل بخاخة لتعقيم أى مكان بتقعد فيه بعد ما تقوم عشان القط التانى ما يتعديش
و بصراحة أنا كنت قرأت فى أكتر من مكان عن دوا إسمه التراجريزوفلفين و هتلاقى إسمه مكتوب فى صيدلية القطط بصراحة كويس جدا عشان الفطريات
كنت بستعمله الفطريات أثرها راح فى أسبوعين تقريبا
و ربنا معاكى أنا عارفة إنتى حاسة بإيه