استفسار بخصوص الكاسكو

[لزيز و رايـ ء]

السلام عليكم

كيف حالكم شباب وصبايا

لاهنتوا ابي خبرتكم وفزعتكم

شريت لي كاسكو ماشاء الله عليه ذكي ونشيط ويتكلم

عمره تقريبا سنتين

يتفاعل معاي بشكل فضيع , وياكل كل شي ماشاء الله عليه وشهيته عال العال

وماصار له عندي اسبوع .. من اول يوم تكلم وخذ على البيت والوضع عادي عنده
وهذا اللي عجبني فيه

المهم . .

قبل لاااشتريه لاحظت رجلينه منتوف ريشها

سألت اللي شريته منه قالي هذا عادي شوي ويطلع له ,, وفعلا صرت الاحظ انه بدا يطلع على خفيف

بس لاحظت عليه كثرة الحكة وتساقط الريش

يعني يحك بقوة واحسه يبي يقطع نفسه من الحك

بعدين انتبهت ان جناحه اليمين صار فيه مثل الجرح ,, مدري من اول ,, او من الحك

مدري وش سالفته ,,

بعد لاحظت ان ريحته خايسه نوعا ما .. مدري صراحة هي منه ولا من القفص بس اغلب ظني انها منه

..

مدري شرايكم

خايف اوديه بيطري يلعب فيه ع الفاضي ويكون مافيه شي

وخايف اخليه ويكون مرض

مدري اذا عندكم حل يغنيني عن البيطري

..

طلعته بالشمس مرتين او ثلاث .. وروشته مرتين تقريبا ..

وشرايكم بخصوص الشمس والترويش ؟

وهذي بعض الصور له
























الصور اللي فاتت , اخذتها له اول ماشريته




وهالصورة اليوم ولو لاحظتوا الريش اكثر من اول على رجلينه




وهذي صورة لبرازه أجلكم الله . .

لزيز و رايـ ء

.