أرجوا المساعدة شريت كاسكو صار لي 4 أيام الرجاء الدخول؟؟

[أوتار]

مرحباً بكم..

اعجبت بهذا المنتدى الرائع واود منكم مساعدتي ولا تردوني..

اشتريت كاسكو افريقي رمادي صار لي من شريته 4 أيام تقريباً..

أول يوم هادئ وساكت لم يصفر ولا يخرج كلام من بعد الفجر بدأ بالتصفير واخراج بعض الأصوات مثل نباح كلب اعزكم الله وتصفير وبعدها ارى نفخ في ريشه ويبدأ بالحك وبعض الأحيان يجعر ، وعند الإقتراب منه يجعر ويحاول ان يدور في القفس ويهرب مني ، والغريب بذلك انه يفتح فمه كأنه يتثاااااوب ( ههههههههههههه ) ويطلع اصوات نفس البومة ، وما اشوفه الا يثبت رجل وحده والرجل الثانية يمدها مد مع جناحه كأنه يتمغظ ( هههههههه ) يعني بلهجتنا فيه النومه ويمد رجليه بس ما اشوفه ينام بس يمد رجليه وجناحه وما ينام واذا بنام يغمض شوي ويرد يفتحها ويروح ياكل فول سوداني .. المشكلة وااااااايد يحك وأنا خايف عليه هل هو مرض وله ايش لأنه بصراحة انا لحد هذا الوقت لم ادفع قيمته سعره تقريباً في البحرين ( 200 دينار ) وله اعرف كم عمره ، وحاولت اعوده عليي بتريدد بعض الكلمات وأصفر ليه ، ولكن وقف تغريد وتصفير ومن يبدأ بالتصفير اروح صوبه يسكت وشكله يبا يطفشني ويغربلني وياه ، ولما افتح ليه القفص من فوق يخرج ولكن مستحيل يركب على اليد ، ومستحيل ياكل من يدي ، واذا احاول يتعود علي المس رأسه او منقاره اشوفه يبغا يعض ، ولكن عضته مو قوية يعني فقط يتحسسها بس من احاول اللمسه على رأسه او منقارة يقوم يجعر نوع الخايف ويقوم يهرب يبغا يدخل القفص ، واذا ابغي اعطيه شي يقوم يرميه مع العلم ما اادري كم عمره..

من بعد هذه القصة أود أن أسألكم بعض الأسئلة..

1- كيف أستطيع وضع بغبغائي على يدي؟ وماهي أفضل طريقة لذلك مع انه عضته ليست قوية..

2- هل تسجيل له كلمة معينة ووضع المسجل بالقرب منه مجرب؟

3- في الحقيقة أنا اول مرة اشتري كاسكو او كاسيكو ومنزهقين فيه البيت كلهم لمى عليه وكل واحد يقول ليه شي ويردد من وجه الى وجه مع لحد الحين ما معروف له من مدربه وصديقه لأنه اللمى وكل واحد يبغا يلسمه ويسمح عليه ويردد عليه وكل واحد يصفق والثاني يرقص شنو الحل لهذي المشكلة ستين الف وجه اليه شلون يعرف مدربه؟

4- كيفيفة استحمام الطائر الكاسكيكو وماهي الطريقة الصحيحة والصحية له؟

5- ماهي الألعاب التي ينبغي لنا وضعها للكاسكو ، واذا أمكن تذكرون لنا أنواع الألعاب؟

وأخيراً أدعوكم بالخيرات والجزاء ورحم الله والديكم..

[أوتار]

للرفع..

لا رد غريبه!!!

[سكر]

اختي أوتار.

ببغائك وضعه خطير جداً

عنده مرض خطير والى الآن لم يجدو له علاج.

هذا المرض اذا أصاب الببغاء يتحول بعد ثلاث أسابيع إلى ضفدع


أمزح معاك,,,

مافي شي يدعو للخوف او القلق, كل مافي الموضوع انك مستعجلة شوي وسقف التوقعات عالي عندك بزيادة.

تخيلي أوديك ورشة سيارات وأعطيك مفك وعدة, وأقولك يالله استلمي سيارة وفكي مكينتها ووضبيها ونظفيها وغيري قطع الغيار وصلحيها!!!!؟؟

تقدري بكل بساطة؟

اكيد ما تقدري لأنك ما تعرفي ولا عندك أي فكرة عنها.

ببغائك نفس الشي, ايش دراه عن شي اسمه طلوع على اليد.

يحتاج فترة أول شي عشان يفهم الطلوع على اليد.

والحمد لله ما دام عضته خفيفه معناها انه ما يعض أصلا, لكنه يلمس اصبعك فقط.

أسهل طريقة, هي الطريقة المعروفة انك تجيبي له عصا وتخليه يطلع عليها وتجيبي عصا ثانيه وترفعيها عند صدرة وتهزي الببغاء عشان يطلع على الثانية,

وترجعي تقربي العصا الثانية من صدره وتهزيه وهكذا.

ومع كل مرة تقوليله اطلع بصوت واضح.

خلال ربع ساعه يصير يطلع على العصا.

ومرة قربي يدك وبيطلع عليها كانها عصا عادية وكرري نفس الحركة حتى يتقنها.

أما المسجل, ينفع لكن مو فعال بشكل مناسب. يعني ممكن يتعلم لكن بشكل بطيء جداً.

التلقين مع الفعل أفضل, يعني تربطي فعل معين بكلمة معينه, وبعد فترة يققولها ببساطة.

بالنسبة لمعرفة مدربه, ما يحتاج يعرف مدربه.

اهم شي انه يصير أليف أكثر وبس, وبعد فترة بيعرف الشخص اللي يهتم فيه أكثر.

اذا كان كبير, أكبر من سنه, أفضل شي الدش بشكل عادي.

أما اذا كان صغير في العمر, يكون عن طريق الرش على شكل رذاذ كل عشرة أيام.


أما الألعاب فهي ضروريه له, وتقدري تشوفي الموضوع هذا ممكن يفيدك


http://www.2zoo.com/vb/showthread.php?t=94740


تحياتي

[أوتار]

المشاركة الأصلية كتبت بواسطة سكر

اختي أوتار.

ببغائك وضعه خطير جداً

عنده مرض خطير والى الآن لم يجدو له علاج.

هذا المرض اذا أصاب الببغاء يتحول بعد ثلاث أسابيع إلى ضفدع


أمزح معاك,,,

مافي شي يدعو للخوف او القلق, كل مافي الموضوع انك مستعجلة شوي وسقف التوقعات عالي عندك بزيادة.

تخيلي أوديك ورشة سيارات وأعطيك مفك وعدة, وأقولك يالله استلمي سيارة وفكي مكينتها ووضبيها ونظفيها وغيري قطع الغيار وصلحيها!!!!؟؟

تقدري بكل بساطة؟

اكيد ما تقدري لأنك ما تعرفي ولا عندك أي فكرة عنها.

ببغائك نفس الشي, ايش دراه عن شي اسمه طلوع على اليد.

يحتاج فترة أول شي عشان يفهم الطلوع على اليد.

والحمد لله ما دام عضته خفيفه معناها انه ما يعض أصلا, لكنه يلمس اصبعك فقط.

أسهل طريقة, هي الطريقة المعروفة انك تجيبي له عصا وتخليه يطلع عليها وتجيبي عصا ثانيه وترفعيها عند صدرة وتهزي الببغاء عشان يطلع على الثانية,

وترجعي تقربي العصا الثانية من صدره وتهزيه وهكذا.

ومع كل مرة تقوليله اطلع بصوت واضح.

خلال ربع ساعه يصير يطلع على العصا.

ومرة قربي يدك وبيطلع عليها كانها عصا عادية وكرري نفس الحركة حتى يتقنها.

أما المسجل, ينفع لكن مو فعال بشكل مناسب. يعني ممكن يتعلم لكن بشكل بطيء جداً.

التلقين مع الفعل أفضل, يعني تربطي فعل معين بكلمة معينه, وبعد فترة يققولها ببساطة.

بالنسبة لمعرفة مدربه, ما يحتاج يعرف مدربه.

اهم شي انه يصير أليف أكثر وبس, وبعد فترة بيعرف الشخص اللي يهتم فيه أكثر.

اذا كان كبير, أكبر من سنه, أفضل شي الدش بشكل عادي.

أما اذا كان صغير في العمر, يكون عن طريق الرش على شكل رذاذ كل عشرة أيام.


أما الألعاب فهي ضروريه له, وتقدري تشوفي الموضوع هذا ممكن يفيدك


http://www.2zoo.com/vb/showthread.php?t=94740


تحياتي

أولاً طفرتني عزيزي..

مسموووووووووووح حبيبي..

ثانياً أنا رجل وليست أمراة هم مسمووووووووووح..

أشكرك أخي على المعلومات القيمة حقيقة انا واحد ما افهم شي بتربية الكاسكو ودخلت هذا المنتدى لأتعلم كيفية التدريب والتربية..

جمايلك فوق على راسي اخي حبيت أسأل بما ان كاسكو كوكي ليس مرتفع هل ارفعه مترين ونصف لكي يقف عن التجعير ( هههههههههههههههه ) لأانه صوته مزعج اذا يطلع هذا الصوت..

اشكرك اشكرك اشكرك..

[سكر]

يؤ
سامحني ياقمر والله الإسم شوش علي
والنعم فيك ياغالي
اعذرني أنا داخل من الموبايل وما بقدر أكتب كثير لكن لي رجعة بإذن الله من البيت

بإختصار التجعير يوقف إما لوحده مع الزمن والألفه
أو إننا نتدخل ونسرع العملية
إذا بتتبع الأولى يعني ارفع القفص ومع الأيام بيهدا
وإذا مستعجل نزل القفص في الأرض وطلع الببغاء فوقه وخلي القفص وسط الصالة قدامك حتى يقتنع ان وجودك قربه شي عادي وطبيعي وغير مؤذي

الموضوع يبغاله متابعه ياغالي وشكلي بنزل موضوع مستقل وشامل حتى يستفيد الكل

تحياتي



‏

[لوتيه]

اوتار مبروووووك عليك الطير ..
و ماعندي كلام اقوله كل شي قاله الخبير سكر فري
سكر خخخخخخخخخخ ردتلك الحركه اول ماقريت انك ترمسه انه بنت و هو رجال
ضحكت عليك ضحك قلت نفس مامسكها عليه برد الحركه
يا بني ادم هذا رجل مسلم صالح هذاااااااااا رياااااااااااااااااااااااااااااااااااااااااااااااااااااااااااال..

[سكر]

هههههه مبسوطه عشانك رديتيها
على الأقل عندي عذر
الإسم يأثر
بس انتي ايش عذرك ههههه
والله جالس أكح من كثر ما ضحكت

يالله الجزاء من جنس العمل

طبعا أخو أوتار عشان تكون في الصورة
الأخت مس لوتيه (إللي للحين مدري ايش معنى اسمها)
ردت على أحد الأعضاء على أساس انه بنت
وهو رجال حر بالغ عاقل مسلم عربي
واتريقنا عليها حبتين
والحين لقتها فرصه وانتقمت
بس ماني شايل هم لأني أدري انها بتجيب العيد قريب ههههه
براقبها حتى تغلط

[لوتيه]

المشاركة الأصلية كتبت بواسطة سكر

هههههه مبسوطه عشانك رديتيها
هههههههههههههههههههههههه هيه والله
على الأقل عندي عذر
الإسم يأثر
ايوه ايوه طلعلنا الاسم عذر قبلنا عذرك خلاص
بس انتي ايش عذرك ههههه
عذري كان كاتب تحت التوقيع بنت ابوها مادري زين ابوها والله جالس أكح من كثر ما ضحكت
صحه صحه ..
يالله الجزاء من جنس العمل

طبعا أخو أوتار عشان تكون في الصورة
الأخت مس لوتيه (إللي للحين مدري ايش معنى اسمها)
ردت على أحد الأعضاء على أساس انه بنت
وهو رجال حر بالغ عاقل مسلم عربي
واتريقنا عليها حبتين
والحين لقتها فرصه وانتقمت
بس ماني شايل هم لأني أدري انها بتجيب العيد قريب ههههه
براقبها حتى تغلط

اسمي يعني لوتيه يعني اتليوت على الناس لوووووووووووول يعني خربوطيه
ماعرف كيف افهمك اياها بعدين بقولك المعنى يوم بعرف اترجمه ههههههه يالله انا رايحه سوق طيور الشارجه

و السموحه يا اوتار على المغثه

[مجنون عويشق]

السلام عليكم

تمت خدمتك بواسطة اخوي سكر ..ماشاء الله ماقصر معك

حياك اختي >>>>يبي يقلد سكر خخخخخخ

تحيه طيبه

[هدير الأمواج]

مافي داعي نقول شيء بعد الإفادة من الأخ سكر
والله يبارك لك في الكاسكو