مساعده ياشباب وشبات

[Qatar535]

السلام عليكم ورحمة الله وبركاته ... اول مره اشارك في المنتدى وانا محتاج مساعد...

عندي بغبغاء اخضر وعنيد اعند بغبغاء شفته في حياتي وكل ماقرب يدي عنده عشان يركن ولا امسح عليه يطلع صوت وطي وكان يقول( اححح) ويهاجمني وصعب اني اتحمل عضته وكل مادخل يدي ادخلها بدس ( قفاز ) واذا دخلتها بدون دس مايخاف مني ولا يهتم ويبي يعضني شنو الحل ...

والله صرت مجنون من كثر مايعاندني...

[princesya]

هههههههههههههههههههههههههههههههههههههه اخوي هاي طيرك راسه يابس شكله عننييد مره

بس اكيد له حل اقول صفر له بصوت واطي ودخل يدك بالعداال ولو عضك شيل يدك على طوول

[سكر]

عليكم السلام ورحمة الله وبركاته

اخوي قطر أولاً اذا تكرمت ايش نوع ببغائك واذا تقدر تصوره يكون أفضل. وصور قفصه مرة وحدة.

ثاني شي كم له عندك من الوقت؟ وكم عمره؟

وفي كل الأحوال الببغاء اللي عندك ما ينفع له القفاز بنفس الطريقة اللي انت تستخدمها.

ياليت تجاوبني على الاسئلة ولي رجعه على موضوعك وبقولك ان شاء الله بعض الأساليب اللي تساعدك يا قمر.

تحياتي

[Qatar535]

تفضل يالغلا:

[IMG][/IMG]

[Qatar535]

نسيت احط صورة القفص هذا هو:
[IMG][/IMG]

[عبدالله عيسى]

يا اخي هذا قفص لتزاوج الكناري

وما اعتقد انه يصلح له

وبالنسبة للترويض صعب اخوي هذي الدرة صعب تتروض وهي كبيرة وعلى فكرة ببغائك انثى

[فديتهم]

ضيفني وانشالله الحل عندي XX_QAT@HOTMAIL.CoM

[Qatar535]

والله مدري اصلا كان عندي هذا القفص عندي من تقريبا 4 سنوات وربيت فيه بغبغاء نفس النوع وكانت احسن بغبغاء عندي اما :
لخوي الغالي اذا اخوي تبي تقولي شي على الخاص الله يخليك

[سكر]

أخي الكريم مثل ما قال لك أخوي عبد الله القفص كبير بالنسبة له.

ولا تقول كان عندك واحد من اول وما قال شي, كل ببغاء له وضعه, ومو كل شي ينفع مع ببغاء شرط إلا ينفع مع ببغاء ثاني. يمكن الأول كان أليف أصلاً... وفيه اسباب كثير بس ما يهم, أهم شي الحين انك اذا تقدر تغير القفص يكون أفضل.

أما إذا ما عندك استطاعة حالياً, على الأقل ارفع مكان القفص شوي عن الأرض.
خليه عالي من متر إلى مترين, وراقب وضعه وشوف هو وين يرتاح على أي مسافة...
وخلي في أحد الجوانب للقفص أغصان كثيرة منثورة من تحت إلى فوق (مثل الحطب).
من ناحية عشان يلعب ومن ناحية ثانية تقلل مساحة القفص الكبيرة.

أما العض, يبغالك تصبر عليها لأنها ما تعودت إن أحد يلمسها.
وفي نفس الوقت انت تخاف منها, يعني ما تقدر تواجه عضها بحب وبهدوء.
لأن ردة فعلك تثبت لها انك عدوها, وتستفزها دائماً كل ما قربت يدك منها.

تقدر تروضها لو أنك تركتها فترة بدون ما تضايقها بمحاولة الامساك بها.
أعطيها الأكل والشرب, ولا تلمسها, وكل يوم بعد صلاة الفجر حاول مرة وحدة بس تلمسها وهي خارج القفص.
اذا نزلت راسها لك, كمل والمسها مرة او مرتين وبعدين ابعد عنها.
وإذا رفضت خلاص لا تحاول مرة ثانية في نفس اليوم أبداً, اتركها وحاول في اليوم الثاني في الصباح نفس الوقت.
وكل يوم نفس الشي في الصباح حاول تلمسها (بدوون قفاز).

وتأكد بإذن الله بيجي يوم من الأيام اللي تكون هي جاهزة للترويض, بعد ما تثق فيك, وتسمحلك انك تلمسها.
حتى لو ان اليوم هذا ما يجي الا بعد شهر لازم تنتظر وتصبر.
أهم نقطة انك ما تخليها في القفص ولا على الأرض.

خليها فوق القفص وقت ما تحاول تلمسها.

طبق اللي قلته لك بالضبط وان شاء الله انك بتجي المنتدى وتقول لنا ايش صار معاك.
لكن تذكر اذا فشلت الطريقة معناها انك عملت شي غلط, عشان كذا اقرا الرد تمام وربي يوفقك ويبارك فيك.

تحياتي

[Qatar535]

الله يسمع منك اخوي انا اذا دخلت يدي داخل القفص تعض اما اذا مسكتها وطلعتها وبرئ وبقيت امسكها يعني احسن من داخل