اخواني ارجو المساعده ..

[A.AlYousifi]

السلام عليكم ..

اخواني انا عندي كاسكو و عمره تقريبا 7 اشهر شي جذي ..

و جناحه للحين كامل ما قصيته و انا ودي اعلمه انه يصعد على ايدي من غير لا اقص جناحه و لا اذيه .. و امسح على راسه لانه ما يرضا ..

و اظافره طوال بعد ..

ارجو الحل اخواني و الله يعطيكم العافيا ..

[عاشقة الطيور]

وعليكم السلام ورحمة الله وبركاته

والله اخوي انا افضل انك تقص اجنحته عشان تقدر تتحكم لان اذا ماقصيتهم بمللك كل اشوي وطار

وعندك المواضيع المثبته بتفيدك وااايد بأذن الله فيها شلون تقص الجناح _ التدريب على الصعود فوق اليد _ وبالنسبة لاظافره يبيعون مجثم مجرد تحطه في قفصه يمشي عليه وتتبرد اظافره

او تقدر توديه لمتخصص والافضل لوكان بيطري يقص اظافره
والله يوفقك

[A.AlYousifi]

مشكوره اختي عاشقه الطيور على النصايح الحلوه و الله يوفقك الجميع ,,

[عاشق المدينة]

والله اسمع نصيحة اخوك ان عندي واحد وكنت خايف اقص جناحه ولكن مريت فيه عند واحد هاوي ومسكه بكل هدوء وقص جناحه واظافره وطبعا عالطول صار يطلع على اليد فا ان انصحك تقص جناحه علشان كمان يطلع من القفص

[ظريف]

انا بعد كنت متردد اني اقص جناح عبود الكاسكو اللطيف لكن لما قصيته اترحت وياه وصرت اطلعه ولا يهرب بس انتبه وديه الى واحد محترف عشان يخلي جناحه لما يهرب يخفف من الطيحة شوي مو مثل الي عندي اذا هرب يقعد يدور في الهوا ويصير طيحته مؤلمة واذا هو توه جديد عندك خليه عندك شهر لين مايتعود على البيت ويهدى شوي

[TIGER]

تمام التمام ..... بس تأكد القص للجنحان يحافظ على الشكل الجمالي للطير يعني يقصه بحرفيه و مو أي دكتور بيطري بعد لا .. لازم واحد يكون متعود على مسكت الطير بهدوء وقصته بهدوء ...
والاظفار إذا خايف يجيها نزيف ابردها أحسن لك ..
وبالتوفيق يارب ..

[anglo]

أخوي الجناح لازم تقصه ولا الطير ممكن يفلت ويهرب

والأظافر لا أويد المجاثم التي تكلم عنها الأخت عاشقة الطيور في قد تكون مضرة

ودها البيطري وهو يعرف شغله بس قوله يبردها أو يذوبها