ما اعرف افرح ولا ابكي

[Love kasko]

السلام عليكم ورحمة الله وبركاته

اعرف اني ازعجتكم في مواضيعي بس مالي غيركم تحملوني

اول شي بخبرك الشي اللي فرحني انه توتو الدر طار من مكانه واجى عندي فوق الكنب اول مره ادري هالشي معاناه اني خلاص المكان الجديد غير مناسب له ولازم قفص بس بخليه شوي يتهني ورجع طار من على الكنب على مكانه حبيبي

والشي اللي بكاني بعد اني اليوم غيرت الارضيه لهم وحطيت نشارة الخشب الخشنه واللي موجوده وعطاني اياها صاحب المحل اللي يسامحه في قطعه من الخشب اجت بين الظفر والاصبع لتوتو وبدون ما انتبه بس حسيت فيه شي مو طبيعي حتى صوته وشليته اريد ااكله وانا مو منتبه لرجله اكلة توته وكلت وهو مو راضي بس طلع على صدري كالعاده وبسته وقلت ما عليه بس اخلص اخوه اشوفه وشفت رجله وبدون تفكير ولا انتظار طرت على البيطري شال الخشبه الصغيره ونزلت نقطة دم وحط شي نفس البودره وقال لي ما عليه شر بس لازم اغير اكله وابداء اعطيه رز و غيره وغيره بس الصراحه وبدون زعل انا ما اثق في هالبيطري لانه مره عطاني كريم للف بيرد وما فاده عقب اسبوع رحت عند دكتورتي اللى اتعامل عندها الله يرجعها بالسلامه قالت هذا كريم للبقر

ادري طوالت عليكم بس مالي غيركم افضفض له اول شي

ثاني شي شو تنصحوني اعطيه ياكل بدال السيلالك؟؟

ودي واحترامي لكل من بيمر هنا

اختكم

قمر

[H.B.H]

أنتي ليش ما خذتي نشارة خشب ناعمه؟؟؟

[Love kasko]

قلت الموجوده تفي بالغرض بس بعد ما طلعت من البيطري رحت وخذيت نشاره ناعمه مره

بس الحين شو اكله غير السيلالك وكم مره في اليوم؟؟ وعلى فكره انا من 3 ايام ااكلهم بالملعقه مو بالابره خلاص

وشاكره لك تواجدك وتعقيبك يا اخوي H.B.H

ودي لك

[H.B.H]

والله إذا تسأليني على الأكل أنا ماأدري للحين ما ربيت فروخ ببغاوات
أنتي كم عمر طيرك؟؟

[Love kasko]

وربي ما اعرف كم اعمارهم

لما خذيتهم صاحب المحل الهندي قالي ماما انا ما في معلوم كم عمر

وانا ما اعرف ولا لي خبره

[عشقي البلوفرنتد]

اذا بديتي بالملعقه حطي لهم بعدين بالكاس بعد الكاس حطي لهم بصحن صغيير خبز مرطب بالماء مع الوقت يبدوا يعتمدوا على انفسهم

[H.B.H]

المشاركة الأصلية كتبت بواسطة Love kasko

وربي ما اعرف كم اعمارهم

لما خذيتهم صاحب المحل الهندي قالي ماما انا ما في معلوم كم عمر

وانا ما اعرف ولا لي خبره

ياحليلك هذا الهنود وسوالفهم مرة بغيت أشتري قطة أقوله كم عمر مافي معلوم بكم سعره ب700 والله العالم هو بكم
المهم نرجع لطيرك أنا أقول جربي تأكلنيهم بطاطس مسلوق أو خضروات أي شيء بتأكلينه طفل بعمر شهرين أو 3 شهور وعلمينا وش يصير

[Love kasko]

ان شاء الله اخوي عشقي

ومشكور على مرورك

[Love kasko]

^^لا تاخذ قطوه مو زين هههههه لاني ما احبهم ما ادري وش دخلني

ونرجع لطيوري

ان شاء الله اخوي H.B.H بجرب بس بعد ما يردون عليه الاخوان يمكن حد عنده خبره ومجرب

والله انا اعاملهم مب طيور اطفال بسن الشهر بعد من خوفي واهتمامي فيهم

[عشقي البلوفرنتد]

المشاركة الأصلية كتبت بواسطة Love kasko

ان شاء الله اخوي عشقي

ومشكور على مرورك

لا شكر على واجب

اي استفسار انا حاضر