حركات يقوم بها لولو لا افهم معناها

[حلم عاشق]

بسم الله الرحمن الرحيم
اولا : اخواني هذا اول موضوع لى فى المنتدى وقد استفدت كثيرا من مواضيع بعض الاخوان جزاهم الله خير فى المنتدى
عندي كاسكو مسميه (لولو) صغير عمره 7 اشهر وله عندي تقريبا شهر يطلع على اليد وياكل من يدي وتصرفاته تدل على انه حار ما شاء الله .

احيان اقوم بتدريبه على الكلام واجلس معه ما يقارب ساعتين وادربه على كلمه بسيطه وهي
(الو) وبعض تصرفاته الى يقوم فيها من خلال بعض المواضيع انه راضي عن تصرفاتي معه .

ولكن اذاحاولت الخروج اردد عليه مثلا مع السلامه بمجرد اقفل باب الغرفه يصيح مرتين ثلاث ويصفر واذا فتحت الباب يردد الكلمه الى كنت ادربه عليها بس تكون مو واضحه واحيان يقول اسمه (لولو) ارجع اجلس معه ويكون كثير الحركه يتعلق فى القفص من الخارج ويطلع وينزل

يا ليت اهل الخبره يفسرون لى تصرفه مع العلم انى فى حالة التدريب استخدم الكليكر واعطيه من الاكل الى يحبه بس ما يردد الكلمه الى ادربه عليها الا فى حالة انى حاولت الخروج وتركه تحياتي للجميع

.

[ضوء الحب]

عادي هالشي سبب له خلل ف فهم معنى الكلمه
علمه طرقة الكلام ف الربط

[حلم عاشق]

بارك الله فيك اخوي انا فاهم طريقة الربط ولكن هل مثلا اوقف انى اعلمه الكلمه البسيطه او مثلا اذا حاولت الخروج من الغرفه ما اردد عليه كلمة مع السلامه على اساس ما تتداخل عليه الكلمات او هل افهم من تصرفه انه ما يبيني اروح واخليه خصوصا انه بمرجد خروجي واقفل باب الغرفه يصيح مرتين ثلاث ويصفر واول ما ارجع يردد الكلمه الى دربته عليها (الو) واحيان يقول اسمه ( لولو )

[نوني..]

ايه فيه طيور تصرخ اذا جاء يروح صاحبهآ =) يبغاك عندهـ بالغرفه وتلعب معهـ

وفيه ببغاوات تصرخ بصوت مزعج جدا علشان ترجع لهآ ...

[ٌابوعمر]

عادي جدا طيرك يبيك ماتروح عنه انصحك اذا تبي تدربه على كلام دربه على كلمه واحد بل بدايه يا الو او لولو او مع السلامه بس انصحك بالو لانك بديت فيها كملها لا تعوديه انه اذا صرخ ترجع له خليه يصارخ ليييين يزهق مجرب ترا ان صرخ ورجعت بيصير مزعج بس تطلع يصارخ يصارخ يصارخ عوده من الحين

[حلم عاشق]

بارك الله فيكم جميع الف شكر على الردود الى كلها فائده للجميع باذن الله تحياتي لكم

[بحر الكلام]

يالغالي طيري نفس المشكله عندك اطلع من الغرفه يصارخ لي ويصفر تصفيره معروفه لي وكنت ارجع له مثل ماقال اخوي ابو عمر الحين صاير مزعج والله ويصارخ ويقلب القفص لو مارجعت له فعشان كذا لاترجع له نصيحه خله يسكت لحاله

[حلم عاشق]

مثل ما قلت اخوي راح اطنشه وهو الافضل عشان ما يتعود بارك الله فيك اخوي

[honey1992]

لالا اخي وش اللي تطنشه
انا اخاااالف الاخوان
حرام هذا جزاه يبيك ؟؟؟
بالعكس احمد ربك عندي طير ودي انه بس يطلع ع يدي
طيب خذه معك حتى لوك تاكل او عند تلفزيون او اي شي تسويه
عادي جداً
بيصير يحبك ويجيك وياكل معك حتى

الله يخليك لا تقهره عشان تبي تحطه ع مزاجك
مااعتقد انك شريته عشان بس يردد كلام
الببغاء احلا شي بالحياه وبيكون لك احلا صديق
موفق
بس هااااه لا تققققهههههره وتروح وتطنشه
قسم حراااام ماقدرت اطلع من الموضع من القهر
يلا واتمنى تجي وتقول انك صرت ماتطنشه وتاخذه معك
استناك ترا

[حلم عاشق]

هههههه ابشر بعزك اخوي وعد ما اطنشه الحمد لله له عندي تقريبا شهر وياكل من يدي واطلعه على كتفي امشيه برا الغرفه وبرا البيت وطبيعي الحمد لله بس احس ضروري اسوي معه كذا على اساس لو جلست معه فى الغرفه وطلعت ما يجلس يصيح ويتعود على الصياح وترا اليوم نزلت له صور فى قسم البوم الصور فى المنتدى