فايروس RCA للقطط

[waloood]

السلام عليكم*
عندي قطه سياميه عمرها اربع شهور قبل كم يوم زكمت ووديتها اخذت ابره زكام وماراح الزكام ولا خف وخذت ثاني يوم وثالث يوم ابره يعني ثلاث ابر بمعدل ابره كل يوم وماتغير شي*
في اليوم الرابع صارت خملانه واكلها صار خفيف وفي اليوم الخامس قامت ترجع وفي الترجيع دم وصارت تتقلب وتنام على ظهرها وماتقدر توقف على رجولها وعيونها تدمع وفيها افرازات كثيره وكانت تتضايق من الضوء حسيتها بتموت خلاص وصارت ماتاكل بس تشرب ماي*
سادس يوم وديتها البيطري وقاس الحراره طلعت حرارتها طبيعيه وشاف الترجيع الي فيه دم لاني خذته معاي عشان يشوفه الدكتور وقال هذا يمكن فايروس rca (هذا الفايروس انتشر بالخليج ويكون بالجو الرطب والبارد*وهو مضر بالانسان ويضر البنات والحوامل والاطفال وينتقل عن طريق الهواء)
*قالي اذا كان فيها الفايروس ترى ماله علاج الا القتل الرحيم
عطاني مضاد حيوي لمده سبعه ايام جرعتين باليوم *وقالي جربه وربك هو الشافي واعزلها في مكان دافي بعيد عن اهل البيت*
*وقالي حاول تعطيها زبادي عشان يرطب المعده*
قمت احط الزبادي بأبره وأعطيها بالقوه ومو راضيه تاكله وتعصب وتشمخ
الشغله جدا متعبه اعطيها بالقطره اخر شي قمت اخليه على خشمها عشان تلحسه وعلى ماأعطيها بمقدار ملعقه كبيره زبادي ياخذ مني نص ساعه*
وبعدها اعطيها المضاد الحيوي بالقطاره ونفس التعب*
كل يوم مرتين وبعد اربعه ايام بدأت تتحسن صحتها وبدت تاكل شوي شوي بس ماتاكل الدراي فود لان احس الدراي فود ناشف عليها قمت اعطيها معلبات دجاج مفروم او سمك والحمدلله بدأ تتحسن بس صارت ضعيفه لدرجه تحس بضلوعها لما تمسكها والعمود الفقري تعده فقره فقره*
*مرت ست ايام بس تاكل شويه زبادي وماي


الله يحظكم ويحفظ قطاوتكم
**

[Octopus]

مشكور على التنبيه و ياليت مرة اخرى تحاول ان تنسق موضوعك

[بلاك بيري]

ماشاءالله تبارك الله موضوعك جدا مميز شكرا على الطرح لكن ياليت لو كان في صور

تحياتي

[الخبيرة ناديا]

المشاركة الأصلية كتبت بواسطة waloood

السلام عليكم*
عندي قطه سياميه عمرها اربع شهور قبل كم يوم زكمت ووديتها اخذت ابره زكام وماراح الزكام ولا خف وخذت ثاني يوم وثالث يوم ابره يعني ثلاث ابر بمعدل ابره كل يوم وماتغير شي*
في اليوم الرابع صارت خملانه واكلها صار خفيف وفي اليوم الخامس قامت ترجع وفي الترجيع دم وصارت تتقلب وتنام على ظهرها وماتقدر توقف على رجولها وعيونها تدمع وفيها افرازات كثيره وكانت تتضايق من الضوء حسيتها بتموت خلاص وصارت ماتاكل بس تشرب ماي*
سادس يوم وديتها البيطري وقاس الحراره طلعت حرارتها طبيعيه وشاف الترجيع الي فيه دم لاني خذته معاي عشان يشوفه الدكتور وقال هذا يمكن فايروس rca (هذا الفايروس انتشر بالخليج ويكون بالجو الرطب والبارد*وهو مضر بالانسان ويضر البنات والحوامل والاطفال وينتقل عن طريق الهواء
*قالي اذا كان فيها الفايروس ترى ماله علاج الا القتل الرحيم
عطاني مضاد حيوي لمده سبعه ايام جرعتين باليوم *وقالي جربه وربك هو الشافي واعزلها في مكان دافي بعيد عن اهل البيت*
*وقالي حاول تعطيها زبادي عشان يرطب المعده*
قمت احط الزبادي بأبره وأعطيها بالقوه ومو راضيه تاكله وتعصب وتشمخ
الشغله جدا متعبه اعطيها بالقطره اخر شي قمت اخليه على خشمها عشان تلحسه وعلى ماأعطيها بمقدار ملعقه كبيره زبادي ياخذ مني نص ساعه*
وبعدها اعطيها المضاد الحيوي بالقطاره ونفس التعب*
كل يوم مرتين وبعد اربعه ايام بدأت تتحسن صحتها وبدت تاكل شوي شوي بس ماتاكل الدراي فود لان احس الدراي فود ناشف عليها قمت اعطيها معلبات دجاج مفروم او سمك والحمدلله بدأ تتحسن بس صارت ضعيفه لدرجه تحس بضلوعها لما تمسكها والعمود الفقري تعده فقره فقره*
*مرت ست ايام بس تاكل شويه زبادي وماي


الله يحظكم ويحفظ قطاوتكم
**

لاحول ولاقوه الا بالله

كلام البيطري مو صحيح ابدا .

لان المفروض يعمل تحليل دم للقطه ليعرف هل هي فعلا مصابه بفايروس او لا؟

وايضا من تحليل الدم يوضح نوع الفايروس ان وجد .

والفايروسات التي تنتشر في الجو ..غالبا تعالج بالمضادات الحيويه وتعيش القطط بعدها .

اما انها تقتل قتل رحيم ..هنا فقط يستخدمها البيطري في حاله اصابه القطه بالسعار

Rabies وهو فايروس شديد العدوى للانسان والحيوانات الاخرى ..وهو مميت .

الله يجزاك خير على طرح الموضوع

وان شاء الله ربي يشافي قطتك ..

[waloood]

Octopus
بالنسبه للتنسيق هذا حدث صار معاي وقلته بعفويه ماعتقد انها روايه عشان تحتاج مقدمه واحداث وتشويق ونهايه
شكرا

بلاك بيري
شكرا ولكن ماأضفت صور الترجيع عشانها مقرفه

الخبيرة ناديا
شكرا على المعلومات الحلوه وانا انحديت على هذا الدكتور لاني مالقيت غيره وادري ان مكانه مو مهيأ صح بس الحمدلله كل شي اوكي
*وانتي عارفه قله العيادات البيطريه

[بنت الجود]

الله يعافيها ..

كل خطواتك صحيحه واستمر عليها . واهم شيء النظافه .

احرص انها تشرب ماء كثير حتى ماتتعرض للجفاف ,, تنبيه الماء معتدل البروده لابارد ولاحار

انصحك "بدجاج ساديا ,صدر بصحن يجي "

اسلقه واضربه بالخلاط مع زبادي منزوع او قليل الدسم لان الكامل الدسم يجيب للقطه جفاف . وحطه بالابره السرنجه وصبه بدفعات وحذر بفم القطه حتى تاكله . اهم شي الغذاء ثم الغذاء بالاضافه للادويه .


وقبل كل شي توكل على ربك .ربك الشافي المعافي وحده لاهو حنا ولا الدكتور , واقرى عليها المعوذات


والله يعافيها يارب .

[Jojo 55]

الله يش.فيها يارب مافهمت المرض هذا يعني هو معدي للانسان ممكن تتعادى منها ..

[dream-girl]

تسلمي عل التنبيه والحمدلله انها اكلت ... واتحسنت لحالتها الطبيعيه منجد الحمدللله