جاوبوني على هالأسئله قبل أشري ببغاء

[مشاعل]

السلام عليكم ورحمة الله وبركاته

بصراحه اعجبني المنتدى وهذي اول مشاركه لي فيه
وياليت تساعدوني

انا حابه أشري ببغاء بس ما أعرف أي شي عنه


أبي اعرف

أحسن نوع ببغاء ؟؟ وليش هو أحسن نوع من غيره ؟؟


وكم سعره؟؟ أبي يكون سعره معقول


و وش احسن أشري الببغاء وهو كبير وإلأ وهو صغير ؟؟


وهل تربيتة متعبه؟؟


إذا سافرت عادي اخليه عند ناس وإلا لا ؟؟



ولكم مني جزيل الشكر مقدما ً 00

[كحيلان]

احسن نوع هذي تحددها رغباتك يعني اذا تفضل الكلام فعندك الامزوني (يلوناب) او الافريقي
واذا تفضل اللعب والحركات والوناسه خذ كوكاتو واذا تفضل الكشخه خذ مكاو

الاسعار اليلوناب من 4000 وطالع الافريقي على حسب كلامه وترويضه من 500 الى فوق 5000
الكوكاتو من 1500 وطالع المكاو من 4000 وطالع

تربيته على الهاوي غير متعبة بل ممتعه اما الي بس يبي يكشخ ولا طخت براسه بيتعب كثيرررر

اذا سافرت وتبي تخليه عند ناس بكيفك

ولك مني جزيل العفو

[كاسكو البحرين]

يا هلا فيك اخوي ومرحباً بك

أسألتك هذه فيها نوع من إختلاف وجة النظر وانا ان شاء الله راح اجاوبك بوجهة نظري الخاصة

طبعاً فصيلة البورت يوجد عدة طيور مميزة والأفضلية اللي تملك مميزات عالية وهو معروف وغني عن التعريف هو الأمزون والكاسكو ويأتي بعدهم الكوكاتو والمكاو

وجهة نظر

طبعاً انا أفضل البغبغاء الأفريقي الرمادي ويمتاز هذا الطير الجميل بذكاءه وفنه في التقليد ولكن لا اخفي عليك يوجد فيه بعض العيوب وأهما عدم الجرئة

عكس طير الأمزون فالأمزون يمتاز بالجرئة والثقة بالنفس ولكن يوجد فرق في بينهم في نبرة الصوت
فالمعروف بالكاسكو ان يكون صوته مقارب للصوت الإنسان سبحان الله ويتصف بقوة التغاريد وقوة الصوت

الأسعار طبعاً تختلف على حسب البلد وعلى حسب مميزات الطير نفسه
ولكن الأمزون أغلى من الكاسكو كونه أقل إنتشار بين المربين وأغلاهم اليلو ناب
أما عن الكاسكو فسعره معقول جداً في أغلب البلدان وهناك قوة تحمل الأمراض فالأمزون أقوى من الكاسكو

تربيتهم ستكون سهله ان تم توفير مستلزمات التربية بشكل جيد
وستواجه صعوبة في حال عدم التفرغ وعدم توفير المستلزمات المهمة من غذاء والمكان المناسب

اتمنى قد أفدتك ولو قليل من هذه النبذه السريعة

بالتوفيق

[مشاعل]

كحيلان + كاسكو البحرين
مشكورين على المعلومات القيمه اللي أستفدت منها وأعتقد اني أبجزم وأشري الأفريقي

بس عندي سؤالين <<< تحملوا أسئلتي معليش

السؤال الاول
وش تفضلون أشتري الببغاء وهو مربى من صاحبه يعني كبير ؟؟ أو أني أشريه صغير ولايعرف شي؟؟؟

السؤال الثاني
هل فيه ببغاء يفهم وببغاء يقلد ؟؟
انا سمعت أن فيه ببغاء يصير عقله كعقل طفل ,, يعني أسئلة سؤال ويجاوب عليه ,, ياليت تأكدون لي هالمعلومه

ويعطيكم ألف ألف عافيه

[عافك الخاطر]

المشاركة الأصلية كتبت بواسطة مشاعل

كحيلان + كاسكو البحرين
مشكورين على المعلومات القيمه اللي أستفدت منها وأعتقد اني أبجزم وأشري الأفريقي

بس عندي سؤالين <<< تحملوا أسئلتي معليش

السؤال الاول
وش تفضلون أشتري الببغاء وهو مربى من صاحبه يعني كبير ؟؟ أو أني أشريه صغير ولايعرف شي؟؟؟

السؤال الثاني
هل فيه ببغاء يفهم وببغاء يقلد ؟؟
انا سمعت أن فيه ببغاء يصير عقله كعقل طفل ,, يعني أسئلة سؤال ويجاوب عليه ,, ياليت تأكدون لي هالمعلومه

ويعطيكم ألف ألف عافيه

انا من ناحيتى اخذ صغير واربيه احسن لها متعه

السؤال الثانى مجاوبه عليه ههه
اكيد البغبغاء يختلفون فى الذكاء


سي يو لتر

[مشاعل]

عافك الخاطر
مشكور على طلتك وإبدأ رأيك

وخلاص أن شاء الله أبشتري

الأفريقي - صغير -

وان شاء الله أتحمل ثقالة دمه <<< احد غاصبك تشرينه!!