كيف ازيل الزيوت من شعر القطط

[غلاروحي~]

قدر الله على قطتي وجاها فطريات

ماادري ايش السبب

بس فطريات بسيطه جدا

لاحظت قشور بسيطة في ظهرها وتحت رقبتها فيه حبه حمراء

ووديتها البيطري

وقالي فطريات وعطاني مرهم لون علبته زجاج بنيه

ولون المرهم بني بس ثقيل مره اثقل من زبدة الفول السوداني >>وصف دقيق

المهم حطيته على مكان الاصابة طبعا بصعوبة لان فيه شعر فحيطته على الشعر تقريبا

ومسكينه صارت ثقيله مو قادره تمشي بسرعه شكلي زودت الجرعهـ

المشكله هي اني ابغى ازيل المرهم تماما واحط مره ثانيه

يعني ماابغى كل يوم احط على المرهم القديم

فقررت اروشها(احممها) بشامبو جونسون للاطفال لان ماقدرت اوفر نيزورال

بس للاسف زاد الطين بله وصار المرهم الدهني بكل جسمها تقريبا

صار شكلها مزعج جدا كلها زيوت


باختصااار

كيف ازيل طبقة الزيوت هذه؟!

وهل عادي احممها وهي في المرحله العلاجية؟

وكيف اعرف انو خلاص ماصارت تعدي وانها سليمة تماما؟

علما ان الدكتور ماقالي كم يوم استعمل المرهم يعني اتوقع لحد ماتختفي الفطريات


اسفة على الاسئلة لكن قريت مواضيع كثيره عن الفطريات وماقدرت احصل الجواب الشافي

[دلوعةقطوتي]

اهلين
اغسلي شعرها بشامبو فافو او نيزورال
روحي للمحل ينظفوها لو ماقدرتي وحلقي الشعر او خففيه بالمنطقه المصابه
استعملي الشامبو مرتين بالاسبوع لانو مفيد بعلاج الفطريات
وبعدها جففي الشعر واستعملي مطهر بيتادين للفطريات من الصيدليه البشريه وافركي المكان المصاب
بعد ماينشف استعملي كريم كانسيتن مرتين باليوم البيتادين والكريم
وعرضيه للشمس وعقمي الاغراض اللي بالبيت كلها
انا مجربه الكريم ويروح مايدبق بالشعر كثير

[غلاروحي~]

الله يعطيك العافيه يارب

طيب كريم كانسيتن

بالصيدليه البشريه والا الطبية؟

[دلوعةقطوتي]

الله يعافيك ويشفي قطوتك
من البشريه الشامبو والمطهر والكريم

[غلاروحي~]

الله يسعدك يارب ويحفظك