كاسكو هولندي , كاسكو أفريقي = للمهتمين بالكاسكو وأهل الخبرة

[المألوف]

.





انا اشوف شباك و مروحه كافي للكاسكو لانه اصلا ً من افريقيا و افريقيا على خط الاستوى و الشمس لاعنه ابو جدهم ... يعني ما يغير شيء من طبيعته بس اذا عندك مكيف حط درجة حرارته 26 او 25 و لا تنقله من غرفة باردة لغرفة حارة او العكس بسرعه حاول توازن بين اجواء البيت ..

[أوٍس]

المشاركة الأصلية كتبت بواسطة الكاكي

الهولندي تفريخ مزارع والمصيود بري
اكيد راح يكون بينهم فرق بمناعة الامراض
نعم الهولندي مناعته ضعيفه وخصوصا وهو فرخ
حافظ عليه من التيارات البارده - حط شبك يعزل الارضيه عن الطير (علشان البراز يصير بعيد عنه) -نظافة القفص يوميه- الاكل المطبوخ والفواكه لاتترك بالمعلف لاكثر من 6 ساعات ................. ابعد عن البيطريين لانهم للاسف حقين مواشي وكل واحد يبي يمشي سلعته الا ما رحم ربي.
وبالتوفيق...........................................................

نورت اخي العزيز بس هل الطريقه اللي ذكرتها انا بالرد السابق طريقه صحيحه اني اشغل تكيف الغرفه المقابله واخلي الكاسكو بالصاله؟؟

وبخصووص النظافه عال العال انا محاافظ على نظافته ونظافة القفص /// وشنو نوع الفيتامينات اللي تنصحوني اقدمها للكاسكو وكيف طريقة تقديمها له ..؟؟

[كاسكـــو]

حسب خبرتي بالكاسكو اشوف من تجربه ... الكاسكو اساساً ذو مناعه ضعيفه سواء هولندي او افريقي صيد

وهو صحيح الهولندي بما انه ماتربى في الطبيعه يكون أقل مناعه من اخوه اللي تربى بالطبيعه

وعلى العموم سواء هولندي او افريقي اذا مافي اهتمام يمكن تمرض وتتعب

عليك البعد عن التيارات البارده والمكيف وابعد عن الحراره ابحث عن الجو المناسب المعتدل

عليك بالنظافه الدوريه للقفص بالكامل نظافه الماء نظافه الاكل عدم مسك الطير باليدين لحملة

وان شاء الله طيرك نايجيه شي بأذن واحد احد

بعطيك مثال قالو كثير عن الامازوني انه قوي المناعه

مره روشت امازوني بعز الصيف وحطيته بغرفه مافيها مكيف ولا شبابيك مفتوحه ومع هذا مرض وعالجته

[الكاكي]

التكيف(غاز الفريون) مضر ابعد عن الشر وغني له
شغل المروحه او افتح الشباك , وبالنسبه للفتامينات ياخذها من الاكل المنوع افضل (خضار-فواكه-مكسرات)

[أوٍس]

المشاركة الأصلية كتبت بواسطة كاسكـــو

حسب خبرتي بالكاسكو اشوف من تجربه ... الكاسكو اساساً ذو مناعه ضعيفه سواء هولندي او افريقي صيد

وهو صحيح الهولندي بما انه ماتربى في الطبيعه يكون أقل مناعه من اخوه اللي تربى بالطبيعه

وعلى العموم سواء هولندي او افريقي اذا مافي اهتمام يمكن تمرض وتتعب

عليك البعد عن التيارات البارده والمكيف وابعد عن الحراره ابحث عن الجو المناسب المعتدل

عليك بالنظافه الدوريه للقفص بالكامل نظافه الماء نظافه الاكل عدم مسك الطير باليدين لحملة

وان شاء الله طيرك نايجيه شي بأذن واحد احد

بعطيك مثال قالو كثير عن الامازوني انه قوي المناعه

مره روشت امازوني بعز الصيف وحطيته بغرفه مافيها مكيف ولا شبابيك مفتوحه ومع هذا مرض وعالجته

بارك الله فيك معلومات طيبه شاكر لك هالافاده وبخصووص النظافه انا مراعيه

[أوٍس]

المشاركة الأصلية كتبت بواسطة المألوف

.





انا اشوف شباك و مروحه كافي للكاسكو لانه اصلا ً من افريقيا و افريقيا على خط الاستوى و الشمس لاعنه ابو جدهم ... يعني ما يغير شيء من طبيعته بس اذا عندك مكيف حط درجة حرارته 26 او 25 و لا تنقله من غرفة باردة لغرفة حارة او العكس بسرعه حاول توازن بين اجواء البيت ..

جزاك الله خير اخوي المألوف على مروورك وكلامك متفق مع كلام الاخوان بخصووص اعتدال الجووو

شاكرلك

[أوٍس]

المشاركة الأصلية كتبت بواسطة الكاكي

التكيف(غاز الفريون) مضر ابعد عن الشر وغني له
شغل المروحه او افتح الشباك , وبالنسبه للفتامينات ياخذها من الاكل المنوع افضل (خضار-فواكه-مكسرات)

وانت الصادق اخوي الكاكي التكييف مرض للبشر فما بالك بالطيور اما الفيتامينات انا اعطي الكاسكو مع اكله مخلوط فواكه مجففه ( اكل مخلوط صناعه امريكيه ) هل راح يستفيد من الفواكه المجففه ولا لازم تكون طازجه ؟؟

[الكاكي]

الطازجه افضل
نوع مره كذا ومره كذا

[ام ماجد]

بالنسبه للمكيف انا برايي ان بدون مكيف حر والكويت حرررر ورطوبه
واشوف طيري هالوقت اذا طلعت غرفته خمس دقايق وهو معاي بس مشغله المروحه
يلهث وينزل جناحه من الحر
احطه في مكيف بس الغرفه مب بارده يعني معتدله نفسنا بالضبط
والنوم ينام معاي بمكيف بس اخلي التكييف على منخفض يعني الجو وسط وسط لا بارد ولا حار واغطيه بغطا اثقل شوي من الشرشف
ومتى اقيس الجو اذا شفت نفسي خذت الغطا عرفت انه برد ونقصت الحراره واذا شفت نفسي ابعد الغطا عني يعني هو عليه اوووكي

يعني فهمت شرحي ^^

ومثل ماقالو النظافه للقفص والمشربيات انتبه لازم فركهم وتغييرهم باليوم مرتين
والماء ماتعطيه من الغسيل لازم ماء شرب مثلك
يعني اعتبره بيبي واهتم فيه
والله يحفظه لك ^^

[عبدالعزيز العتيبي]

انا عندي هولندي عمرهـ الان 9 شهور .. وعلى افضل حال ولله الحمد والمنه

عايش على الحب الشمسي + حبتين فول سوداني يوميا + ربع تفاحة او ربع برتقالة يوميا + خضار مطبوخة

احط له فيتامين مع الماء كل 10 ايام من 30 يوم

اذا شفت فيه خمول خفيف على طول اعطيه مضاد حيوي عام

بخصوص المكيف ... احط الطير بغرفة مكيفة بالنهار بس مايكون بوجه المكيف

والاهم من هذا كله هي نوم الطير

لازم تعطيه حقه من الراحة والنوم


بالتوفيق