اسئلة عن طائري الجديد ( بلوفرونتد )

[الوسام الذهبي]

السلام عليكم ورحمة الله وبركاته

شريت طائر امزون بلوفرونت

واتمنى تساعدوني في بعض المعلومات

ممكن يكون اسلوبي في طرح الموضوع طويل وممل لكن اتمنى يتسع صدركم لي لاني احب اذكر كل التفاصيل على شان توضح الفكرة كاملة

اول معلومة اتمنى تساعدوني فيها اهي تحديد العمر وماهي امكانية الكلام بالنسبة له , صاحبه قال لي انه يقول اسم واحد بس الصراحة للحين ما سمعت منه غير الاصوات المعتادة للأمزون وماسمعت منه اي شي يدل انه يتكلم مع ان الطير يتجاوب بشكل كبير مثلا لما اسوي له صوت الجرس , ررررررررررررررررررر يرد عليي بنفس الصوت تقريبا ولما اصرخ يصرخ ويركز بعينه ولما اقول له اي كلمة ينفخ ريشه ويفتح ذيله ويركز بعينه ويتحرك يمين ويسار ويسوي حركات غريبة حتى لما يكون ياكل واكلمه يترك الاكل ويسوي هذي الحركات.

الشغلة الثانية حسب كلام صاحبه ان الطير كان اليف مثل الحمامة لكن اهمله , الحين الطير ممكن تشيله بكل سهولة من داخل القفص واهو يجيك اول ماتفتح الباب , لكن لما ابي اشيله من على القفص يعند ويعض طرف اصبعي بعضات خفيفة متتالية يعني يعض ويترك ويعض ويترك لكن عضات خفيفة, وصار مايرضا تمسح على جسمه ابد حتى اني حاولت امسح على منقاره حتى اطمنه وشوي شوي انتقل للجسم بعد مايرضا امسح على منقاره , السؤال شنو افضل طريقة اتبعها معاه على شان ارجعه لحالته السابقة من حيث الولافة.

وهذي صور الطير وارجو اني ماطولت عليكم

[مجنون فلته]

السلام عليكم

ابو جاسم مساء الخير حبيبي

مبروك عليك الطير مواصفات حلوه

اخوي الطير محجل فيه ارقام بالعرض صايرين هذيلا سنة التفريخ

يسههل عليك شوي معرفة سنة تفريخ الطير

اما عن العمر بالضبط مابقدر افيدك بالأمازون لأن خبرتي في اعمارهم قليله جدا يمكن هذا النقل يفيدك

وموفق بالطير الجديد واما عن التدريب ماشاء الله عليك مثل مادربت طيرك الكاسكو دربه وراح تشوفه بيكون مطيع معاك

تختلف طيور الأمازن في تحديد اعمارها لكثرة انواعها ولكن لنا بالمعروف لدينا
ببغاء الأمازون الصغير يمكن معرفته لأول وهله طبعاً
وتكون لون الحدقية رمادي وبعض الأمزونيات بني
وبعد ذلك يتدرج اللون الى البرتقالي او الأصفر
وبعد سنتين تكون نونة العين عسلي غامق
واطرافها غير مستويه
وحولها صفار ومن ثم تتكون حدود حمراء او برتقالي غامق خفيفة طرف الحدقه
وبعض انواع ببغاء الأمازون لايكتمل لون ريشه الا عند بلوغها سنتين
هذا بالنسبة لبعض انواع الأمازون

بالتوفيق حبيب قلبي

[الوسام الذهبي]

شكرا على الرد عزيزي

الكاسيكو بديت معاه من لما كان غر فالتدريب كان سهل اما بالنسبة لهذا الامزون محتاج اعادة برمجة ههههههههههههه

بصراحة توقع ردود اكثر خاصة من خبراء الازون مثل سكر و medozoom و ابو محمد

واتمنى اني استفيد من خبرتهم

[أبو محمد 1]

الف مبروك اخوي على الطير والله يطرح فيه البركه
انا كان عندي واحد بصراحه اهنيك البلوفرونتيد طائر ذكي وعاطفي ، بالنسبه للعمر مثل ماتفضل اخوي من الحجل تقدر تعرف .
بالنسبه للتدريب شوي يبي لك صبر وتقدر اطلعه على ايدك واهم شي اجلس وياه واحرص على التلقين انا كان طيري ماعنده غير كلمة وحده وصار عنده اربع مع اني ماهتميت كثير وصدقني اعطيه وقت وراح تلقى طير من اروع الطيور ومناعته جدا ممتازه ضد الأمراض وبالتوفيق اخوي

[الوسام الذهبي]

ألف شكرا على الرد يا ابو محمد 1

بس عن جد انا زعلان من شباب المنتدى توقعتهم يخدموني

[كاسكو619]

افا ليش تزعل منهم ترا يمكن هم مشغولين باشياء او انهم ما شافوا او انهم ما يعرفون ترا مش كل المنتدى يعرفون عن الامازون او اي ببغاء
بس لا تزعل منهم
بس بفيدك بشي يقولك العجلة مفتاح الندامه والصبر مفتاح الفرج
يعني اصبر لا تتسرع

[fawzi]

المشاركة الأصلية كتبت بواسطة الوسام الذهبي

السلام عليكم ورحمة الله وبركاته

شريت طائر امزون بلوفرونت

واتمنى تساعدوني في بعض المعلومات

ممكن يكون اسلوبي في طرح الموضوع طويل وممل لكن اتمنى يتسع صدركم لي لاني احب اذكر كل التفاصيل على شان توضح الفكرة كاملة

اول معلومة اتمنى تساعدوني فيها اهي تحديد العمر وماهي امكانية الكلام بالنسبة له , صاحبه قال لي انه يقول اسم واحد بس الصراحة للحين ما سمعت منه غير الاصوات المعتادة للأمزون وماسمعت منه اي شي يدل انه يتكلم مع ان الطير يتجاوب بشكل كبير مثلا لما اسوي له صوت الجرس , ررررررررررررررررررر يرد عليي بنفس الصوت تقريبا ولما اصرخ يصرخ ويركز بعينه ولما اقول له اي كلمة ينفخ ريشه ويفتح ذيله ويركز بعينه ويتحرك يمين ويسار ويسوي حركات غريبة حتى لما يكون ياكل واكلمه يترك الاكل ويسوي هذي الحركات.

الشغلة الثانية حسب كلام صاحبه ان الطير كان اليف مثل الحمامة لكن اهمله , الحين الطير ممكن تشيله بكل سهولة من داخل القفص واهو يجيك اول ماتفتح الباب , لكن لما ابي اشيله من على القفص يعند ويعض طرف اصبعي بعضات خفيفة متتالية يعني يعض ويترك ويعض ويترك لكن عضات خفيفة, وصار مايرضا تمسح على جسمه ابد حتى اني حاولت امسح على منقاره حتى اطمنه وشوي شوي انتقل للجسم بعد مايرضا امسح على منقاره , السؤال شنو افضل طريقة اتبعها معاه على شان ارجعه لحالته السابقة من حيث الولافة.

وهذي صور الطير وارجو اني ماطولت عليكم

هلا اخوي عزيز وغالي ولاتزعل بالنسبه الي الامازوني بغبغاوات عاطفيه زياده عن اللزوم تحب صاحبها لدرجه الجنون الامازوني يختلف عن باقي انواع البغبغاوات لانه يبحث عن الغذاء والصحبه معا وهذه خاصيه في الامازوني من واقع تجربه بعني كرمه بالاكل اول شيء وماشاء الله الطير تجاوب معاك وهذا يدل على ان الطير متحدث لاكن بعض الطيور تكون خجوله وخايفه في نفس الوقت لان الوضع تغير عليها وخاصه الطيور المتكلمه اذا تغير عليها المكان والصاحب تحس بوحده وهذا شيء معترف منه من قبل المربين المحترفين مشاء الله البلوفرونتد الي عندك مرتب وحلو وهذا باين عليه من الصوره نصيحتي لك لازم تكثر القعدات معاه وان شاء الله راح يطلع بغبغاء ممتاز اهم شيء الصبر وطوله البال وباختصار عط الطير وقت كي يتاقلم ويتعود عليك اما بالنسبه الي العمر انا ماابقي افتيلك لاكن والله العالم ان عمره في حدود السنتين ويعتبر لسه صغير الامازوني يعمر حتى 60سنه اذا حصله الاهتمام والرعايه التامه