ياخوان من يدلني وين اشتري يلوناب منه ؟؟؟

[سكود]

السلام عليكم

ياخوان ابي اشتري ببغاء امزوني يلوناب من وين اشتريه

وياليت واحد صغير

ابي اي احد يعلمني من وين اشتريه وكم سعره

[كروان]

من وين انت ؟؟؟؟؟؟

[سكود]

انا من الرياض

بس لاتقولي سوق الحمام لاني حافظه صم بعدين غااااااااالين

عادي لو اشتري من برا الرياض

[كروان]

سوق الحمام غالين ؟؟؟ ؟؟؟

واذا قلت لك ان اسعارهم ارخص شي في الرياض

تبي تتأكد روح المحلات الخاصه مثل جون الحياة والطبيعه واحه الحيوان وفيفا الخ الخ وتعرف ان

سوق الحمام فعلا اسعارهم معقووووووووووووووله

وبعدين معروف الامازوني يلوناب غااااااااااااااااالي مافيه شي رخيص

لاكن عندك ناس سعوديين في السوق اصحاب محلات تحصل عندهم اللي تبي او اطلب منهم

يقدرون يدبرون لك واحد بالراحه بس المشكله ان محلاتهم

مو مبينه تحصلها داخله مره ماتنشاف اسئل عليهم واترك عنك ابو هنود ماعندهم سالفه

او عندك الحراج حق السوق خلك دايم فيه وخصوصا الخميس والجمعه ولاتستعجل

ان شاء الله تحصل لك واحد

بالتوفيق

[صويب الرمش]

طيب يا شباب انا والله مبسوط انكم جبتوا الطاري لانه مشغلني ها اليام ... لقيت واحد يتكلم تمام ويغني و محجل ... مستورد على ما اظن المهم قال لي راعيه طبعاً هو عنده بالبيت مو بمحل يقول لي سعره النهائي بـ(9000) فما ادري وش رايكم لاني والله ناوي لي على يلو ناب ولا يلو دبل هيدد ... لقيت يلو دبل هيدد يتكلم انجليزي بس وسعره غالي بعد فيار تخبروني وين القى لي فرخ ولا حتى كبير بس متكلم ووليف وكم اسعارهم في الرياض .


الله يوفقكم ...

[سكود]

ايه سوق الحمام كله ب 9000 وطقته

بس واحد من الشباب قايل لي انه شاري يلوناب من القطيف ب 2500 بسسسسس

[كروان]

المشاركة الأصلية كتبت بواسطة سكود

ايه سوق الحمام كله ب 9000 وطقته

بس واحد من الشباب قايل لي انه شاري يلوناب من القطيف ب 2500 بسسسسس

متأكد انه يلوناب ياسكووووووووووود

لالا ممكن الموضوع فيه غلط او اي شي

يلوناب غير اليف وغير مدرب مايجي سعره كذا اغلاااااااا بكثير

سكود الله يخليك تأكد ؟؟ كان هذا الخبر صحيح يستاهل الواحد يشد الرحال للقطيف فرصه العمر

والله .. لو ابيع الافريقي حقي وازود فلوس من عندي واشتري يلوناب اذا هذا سعره هناك

وصويب الرمش فعلاااااااا هذي اسعارها انا حصلت واحد سعره يكسر الظهر 15000

وبالنسبه لطلبك ابحث باستمرار في سوق الرياض وبذات في حراج الطيور وبرضوه شيك على

المحلات ممكن تحصل لك واحد

[سكود]

,والله انا زيك ياكروان ماصدقت انهبلت 2500 بسسسسسسسسسس ؟؟؟؟


بس الرجال توني مكلمه يقول انه شاريع ب 2500 يلوناب

والله ودك من يروحلها ولا وش رايك

[هيبه اسد]

حبيبي

اهل القطيف صراحه ماتعرف صدقهم من نصبهم مره واحد يقول لي شاري افريقي يتكلم واليف يتكلم كلام كثير بـ600 ريال!!

اما يلوناب 2500 اغسل يدك

سكود تبي يلونابات عليها الكلام ومزيونه وتنهبل عليها.... بس كثر فلوسك
شف قريه الحيوان على طريق الملك عبد العزيز اكثر من مره رحت لهم لقيت طيور مزيونه

[كروان]

انا متأكد 100%

ان الموضوع فيه غلط .. يلوناب 2500 مستحيل .. حتى الغير مدرب ولايتكلم سعره اكثر من كذا

واذا ودك ياسكود نروح قدام .. ليش لا

بس اخاف نوصل هناك ويطلع الموضوع مب صحيح

وبعدين صديقك يقول انه شاريه ب2500 طيب انت اعرض عليه مبلغ 3000 او3500 واذا وافق انت الربحان

وش رايك تجرب الفكره هذي