اشترك في نشرتنا البريدية ليصلك كل جديد

ابو التواريخ · 23-09-2010, 02:09 PM

اقتباس:

لا والله ابـدا ما اخزن شي انا
الحبوب كانت عندي من يومين اضن او يوم وفتحتها ولقيت دود اصلا من وين يجي الدود هذا ..؟

الأكل يضل مخزن في السوبرماركت مدة طويلة لأنهم يطلبو كميات كبيرة وتظل عندهم مدة طويلة على ماتشتريها أنت ونصيحتي لك لاتشتري الأكل من السوبرماركت حتو لو كان نوع آخر غير الكروان

hasony · 23-09-2010, 02:30 PM

هذا نوع حبوب مشكله
بلجيكي ممتاز

هذا 3 كيلو وفيه اصغر منه

nasser1430 · 23-09-2010, 08:46 PM

كلام الاخوان صحيح ( البلجيكي ) ممتاز جداً ... و فيه نوع ثاني مشابه له في نفس خلطة الحب والفواكه يكون من أفريقيا أعتقد إنه ( كيني أو نيجري ) ... وهو مهوب سيء لكن البلجيكي أفضل منه بمراحل .
و فيه أيضاً الحب الشمسي ترا يجي أنواع ( صيني ، أرجنتيني ، هندي على ما أظن ) طبعاً أفضلها الارجنتين لأنه أنظف شيء وحبته تجي وسط لا كبيرة ولا صغيره والكيلو بـ 8 ريال .
طبعاً هناك لا ينغش الواحد ويقولون له هذا الأرجنتين وهو صيني ... والفرق واضح وضوح الشمس لا في اللون و لا في حجم الحبة ولا في ثقلها وتبين للواحد حتى لو ما عنده خبره .

على كل حال أنا يوم كان عندي طيور ( افريقيات ، وامازونيات ) كنت أخلط لها من الحب الشمسي والبلجيكي .
وفيه طريقة حلوووووووه جداً ( هي إن الواحد يحط الحب في الفريزر أو الثلاجة ) وكل مره يحط الأكل يأخذ الكمية المناسبة لطيوره ويحطها في وعاء الأكل ويحطها في المايكرويف ويسخنها لمدة 12 إلى 15 ثانية .

وهذا الطريقة مجربها مع طيوري والحمد لله لا دود ولا عفن ولا شيء وصحة الطيور ماشاء الله تبارك الله ، وللأمانة هذا الطريقة عرفتها من أخونا العضو ( أبو محمد ) الله يذكرها بالخير ... لأني قبل كنت اشتري كيلو وما يمديه يخلص الا والدود قابع فيه ... صراحة قهر ... بس بعد هالطريقة اشتري حق شهرين أو ثلاث شهور ، وأفك عمري من الروحة كل إسبوع للسوق .
آســــف على الإطالة بس الموضوع حمسني وزكرني باللزي مزا ..... على كل حال إنتهبوا لطيوركم .

والله يوفقنا وإياكم