القرآن علاج للببغاوات ..؟ من تجربتي الخاصه واتمنى الكل يستفيد منها

[اتعبني غلاه]

السلام عليكم ورحمة الله وبركاته ..

كيف حالكم اخواني ..


حـآبه آقوولكم عن عـلآج جربتو بنفسي وجاب نتيجا .. مع اني كنت غافله عنو وبغا طيري يروح من ايدي والحمدلله على كل حال ..

لكن حبدأ بالقصه ..

ياخوآن انا عندي ببغاء غيني ..من 6 شهور .. وعمرو سنه و8 شهور احبو لحد كبير وكانو واحد من عيالي .؟ ولا ارضى عليه شي

وافضلو على نفسي .. ولو محبه ومعزه ف قلبي ماتنوصف والكل يقول عني مجنونا او ماعندي عقل لاني متعلقه فيه لدي الدرجه


الى حد اني ماخرج مكان الا معاه ومانام الا لما اتاكد انو نام وماكل لما ياكل ..


المهم قبل شهرين ؟ او شهر وشويه

مرض الببغاء .. جاه اسهال ووسار خامل ..


ومن يوم ماشيلو واحطو فحضني يغمض عينو ويستسلم الى حد اني كم مرا قلت انو اكيد حيموت؟

وكنت خايفه اوديه البيطري لايديه ابره وتقتلو ..


وكنت بس ابكي؟

اخويا قلي انا اعرف بيطري كويس دايم اودي حمامي عندو قلتلو حمام غير وببغاء غير


قال يعني بتخليه كدا .. مع انو اخويا مايحبو بس رحم حالي ..


ونزلت كذا مرا مواضيع فا لمنتدى فيها وصف لحالتو لكن للاسف محد ساعدني ..


المهم قلت لاخويا وديه وامري لله ...


وجاب لي دويين للاسهال وواحد فيتامين لانو كان ببغائي فاقد الشهيه

وسار اخويا يهتم فيه اكتر مني


واول يوم من استخدام الدوى نمت وانا خايفه

وصحيت لقيت في انتفاخ تحت منقارو والكل قلي غده ولازم تنشال بعمليه او اوديه

واخويا لما شافو خاف ووداه للبيطري البيطري قاال 3 اسابيع وتروح من حالها لاتخافو ولاتحطو ادويه عشان لاتزيد

وكان دا البيطري مصري .. <<والله لو بيدي اديه الي يبغاه لانو عن جد نادر تلاقي بيطريين بذمه وضمير وشطااااااااااااار >>


ولما قالو اخواني هنا ف المنتدى انو لازم ادويه وعمليه وخفت ورجعت لحالت البكى

وبعدها بيوم كمان انتفخ لسانو وسار خارج من منقارو قلت هااااااااادا اكيد ميت ميت

وكل الي شافو قال كدا لانو خروج لسانو غريب

وببغائي فضل اسبوع على حالو مع تحسن بسيط ف الاكل وبس عشان الفيتامين الي ياخدو

وكان يحب الدوى؟ ودا الي استغربتو انو بس يشرب مويه الي كانت فيها قطرات الدوى

يعني اعرف الببغاوات تكره دا الشي


المهم ف يوم جلست افكر و قلت اكيد عين وزي كدا

قمت مسكت الببغاء وجا ف بالي اقرا عليه قران؟


لما شافوني اهلي قالو هادي اكيد جنت ؟ بس والله ياناس من كتر حبي لو

مابغا افقدو

سرت اقرا عليه كل الايات الي حافظتها

وسرت كل يوم افتحلو قران ع الاب اوانا افتح قران اجلس اقرا على راسو وامسح عليه


والله ماكدب عليكم مامر اسبوع الا هو طيب الحمدلله


وكم يوم تانيه وراح الانتفاخ الي تحت منقارو والي ف لسانو


وووسجدت لربي سجود شكر وصليت ركعتين وجلست ادعي فيها

سرت دايمن اقرا عليه ..

واشوف منو تجاوب لما اقرا والحمدلله


اهوه طيب ومعايا وبيلعب وكلو الحمدلله


وحابه انو الكل يستفيد من تجربتي ..


ومعليش على اني طوولت بس دا اكتر شي قدرت اختصرو


وااتمنى منكم كلكم تجربو القران حتى مع ببغاواتكم ..


ووالي جرب دا العلاج يقولي؟اش سار معاه وايش النتيجه؟ ..


ومين فكر قبل كدا بدا العلاج ..؟

والحمدلله

احمد ربي كتير لانو خلالي كوكا وشفالي هو ورجعلي ياه ..

والله يحفظو ويحميه ويخليه على طول ليا .. والله اني خايفه يجي اليوم الي مالاقيه معايا ..

لانو سار قطعه مني ؟ ..

اعرف بتقولو جنون بس انا راضيه بدا الجنون .. مدام ربي حافظلي هو ..

وبس


اتمنى ماكون تقلت عليكم


اختكم

اتعبني غلاه

[النزال12]

السلام عليك يا اختي وبسم الله مشاء الله علي طيرك والله كم فرحتلك ربك يعلم....

والحمد لله العلي القدير انه صبرك علي البلوه وانك صبرتي وهذا شيء اكيد طيرك مراح ينساه ابدااااا

بالنسبه للقراءن الحمد لله اكيد علاج ليس له مثيل فهذا كلام الله منزل علي افضل الانبياء المرسلين

والحمد لله انك اخترتي افضل العلاج ومشكور يا ختي علي تنبيهك

انا كان عندي ببغاء اصيب بحادث وقوع من اعلي بعد اسبوعين مات والله خطر علي بالي اني اقري عليه قران بس والله من حيرتي لم يتسني لي اني اقري عليه

ومشكور يا اختي علي موضوعك عسي الاخوان انهم يستفيدون منه

والسلام خير ختام

[أبو أواب]

السلام عليكم ورحمة الله وبركاته
الف حمد لله على سلامة طيرك اختي اتعبني غلاه
قال الرسول عليه الصلاة والسلام ( خير الدواء القرآن ).

[الجناح الذهبي]

الحمد لله على سلامه كوكا
وما شاء الله حنونه ومخلصه لطيرك لدرجه البكاء
والف شكر على العلاج با القران

[abo abass]

مشككور على الموضوع
و انا استخدم القران لتهدأت الطيور خصوصا الغيني و الافريقي

[ريان@]

مشكوووره والله

من جد شئ مفيد بالذات اذا جاتو عين

[د و بر]

مشكورة على الموضوع المفيد

[ابو سفر]

الله يعطيك العافيه

وسبحان الله القران علاج لجميع الامراااااااااااااااااااااااااااااض وعلاج الارواح وعلاج كل شي وراحة للنفس

واهنيك على جرأتك في طرح الموضوع

[راينو]

سبحان الله
القران علاج لكل شي
فلماذا لا يكون علاج للببغاوات ؟

[اتعبني غلاه]

المشاركة الأصلية كتبت بواسطة النزال12

السلام عليك يا اختي وبسم الله مشاء الله علي طيرك والله كم فرحتلك ربك يعلم....

والحمد لله العلي القدير انه صبرك علي البلوه وانك صبرتي وهذا شيء اكيد طيرك مراح ينساه ابدااااا

بالنسبه للقراءن الحمد لله اكيد علاج ليس له مثيل فهذا كلام الله منزل علي افضل الانبياء المرسلين

والحمد لله انك اخترتي افضل العلاج ومشكور يا ختي علي تنبيهك

انا كان عندي ببغاء اصيب بحادث وقوع من اعلي بعد اسبوعين مات والله خطر علي بالي اني اقري عليه قران بس والله من حيرتي لم يتسني لي اني اقري عليه

ومشكور يا اختي علي موضوعك عسي الاخوان انهم يستفيدون منه

والسلام خير ختام

وهذا الي اقصدو انا ..

اني ابغا الكل حتى لو جا في بالهم يقراو قران .. يسووها

ومايستنو او يتعذرو بالاشغال ..


تسلم خيو على مرورك وعلى فرحتك لي ..

اسعدتني بحضورك ..

لاتحرمني