اشترك في نشرتنا البريدية ليصلك كل جديد

بندولة حب · 01-10-2009, 07:27 PM

السلام عليكم
انا عندي ببغاء ولاكن مااعرف عنه اي معلومه بس انه جاي من اندونيسا واسمه صاحب المنقار الكبير بلوناب great billed parrotوماشاء الله نادر وجوده باالخليج تقريبا وطلبي ابي اي معلومه عنه وش يحب وش اكله المفضل والطير اللي عندي توه بيبي وثقيله حركته شويتين
ولا يصفر ولا شي بالعربي الفصيح ابي معلومات عنه لاتبخلو وبحثت كثير بس ماحصلت حاجه
وهل هو متحدث جيد

وهذي صور للطير وانا ماخذه بعظها من النت لأني حصلت صور من دون اي معلومات عنه

ولا احد يجي ويتفلسف ويقول هذا دره طيب وهذا مودره ارتاحو من الحين

سكر · 02-10-2009, 03:36 AM

هذا درة هندية

هههههههه أمزح

بيني وبينك هو يعتبر جديد في السوق الخليجي,, وبالنسبة لي ما شفته في السوق إلا الموسم اللي طاف

نزل بكميات معينة في فترة ,,

على العموم اللي قدرت أفهمه انك تتعاملي معاه مثل ما تتعاملي مع الدرة تماماً

ومثله مثل المكاو القزم أو الميني مكاو,,

لهم نفس المزاج ونفس الأسلوب ونفس الأكل,, وحتى صوت البلو ناب نادر ,, إلا اللي انتي تعلميه اياه

وهذي ميزة حلوة وممتازة في صالحك,, يعني تقدري تعلميه الكلام بسرعة,, لأنه يحتاج يتخاطب معاك,,

وسعي صدرك أختي بندولة,, وخليك انتي مصدر المعلومات لنا, بعد ما تتعرفي على مزاجه أكثر وعلى سلوكياته

ربي يوفقك ويحفظه لك

تحياتي

ابو محمــد · 02-10-2009, 04:23 AM

بصراحه الطير نااااادر عندنا وانا اول مره اشوفه

وهذا مقطع وهو يلعب واوعدك اجيب لك تفاصيله وحياته وسلاله جده الخامس عشرطعش.

بندولة حب · 02-10-2009, 04:41 AM

اقتباس:

المشاركة الأصلية كتبت بواسطة سكر

هذا درة هندية

هههههههه أمزح

بيني وبينك هو يعتبر جديد في السوق الخليجي,, وبالنسبة لي ما شفته في السوق إلا الموسم اللي طاف

نزل بكميات معينة في فترة ,,

على العموم اللي قدرت أفهمه انك تتعاملي معاه مثل ما تتعاملي مع الدرة تماماً

ومثله مثل المكاو القزم أو الميني مكاو,,

لهم نفس المزاج ونفس الأسلوب ونفس الأكل,, وحتى صوت البلو ناب نادر ,, إلا اللي انتي تعلميه اياه

وهذي ميزة حلوة وممتازة في صالحك,, يعني تقدري تعلميه الكلام بسرعة,, لأنه يحتاج يتخاطب معاك,,

وسعي صدرك أختي بندولة,, وخليك انتي مصدر المعلومات لنا, بعد ما تتعرفي على مزاجه أكثر وعلى سلوكياته

ربي يوفقك ويحفظه لك

تحياتي

هلا اخوي شقر امين الله يسمع منك
والطير هادي جدا بس يحب يخرب ويلعب
حتى التصفير مايصفر
والكلام من زمان وانا اعلم فيه بس موراضي انا اقول يمكن لازم يكمل الشهر 11 عشان يتكلم والله العالم بس اكيد بفيدكم بمراحل حياته انشاء الله

بندولة حب · 02-10-2009, 04:45 AM

اقتباس:

المشاركة الأصلية كتبت بواسطة ابو محمــد

بصراحه الطير نااااادر عندنا وانا اول مره اشوفه

وهذا مقطع وهو يلعب واوعدك اجيب لك تفاصيله وحياته وسلاله جده الخامس عشرطعش.

ابومحمد في موضوعنا يامرحبا يامرحبا

ومشكور ع المقطع خلاني اتفائل صراحه
وتراك عطيتني وعد وهودين وشوف لي جده الثالث منو:
وبنتظارك

D

طير جديد · 02-10-2009, 04:59 AM

ع البركه الطير النادر وهذا هو التميز
وبخصوص المعلومات الاخ ابومحمد مو بيقصر
ويتربى في عزك والله يحفظه من كل شر
دعواتي لكي بالتوفيق

بندولة حب · 02-10-2009, 05:44 AM

اقتباس:

المشاركة الأصلية كتبت بواسطة طير جديد

ع البركه الطير النادر وهذا هو التميز
وبخصوص المعلومات الاخ ابومحمد مو بيقصر
ويتربى في عزك والله يحفظه من كل شر
دعواتي لكي بالتوفيق

الله يبارك فيك
والاخ محمد كفو ومايقصر

naasooh · 02-10-2009, 12:55 PM

صراحتا ما عندي معلومات عنه وبنتظار خبرتك معاهم الله يبارك لك فيهم
والله يعطيكي خيرهم ويكفيكي شرهم

ابو محمــد · 02-10-2009, 02:40 PM

السلام عليكم ورحمه الله وبركاته

مثل ما وعدتك اختي بندوله وقدرت اجيب جده الثالث

وقبل ادخل بالتفصيل احب اهنيك ع الطائر بلوناب النادر الجميل وهذا مقطع له وهو يغني

ويرقص ويتكلم بطلاقه وعمره في هذا المقطع سنه 5 شهور ,,,

وعجبني لما قال (هبي بيرث دااي تو يو)

بسم الله الرحمن الرحيم

الببغاء ذو الرأس الازرق
والمعروف أيضا الببغاء لوزون الفلبيني
أو الببغاء الأخضر

Blue-naped Parrot -- المعروف أيضا الببغاء لوزون الفلبينية أو الببغاء الأخضر -- الموطن في الفلبين وجزر مالوكو (المعروف سابقا باسم جزر مولوكو).وعادة يفضل يشمل مناطق الغابات الثانوية يصل الى 1000ميل. وسبب فقدان المواطن ومحاصرتة جعلت هذا الببغاء النادرة في معظم الجزر باستثناء ميندورو وبالاوان. وعادة ما يمكن مشاهدته في مجموعات صغيرة يصل الى اثني عشر.

الوصف :

هذه المعدلات المتوسطة لمقاس الببغاء 12.4 إنش أو 31 سم في الطول. لون الريش أخضربشكل عااام في المقام الأول باستثناء تاج الرأس الخلفي باللون الأزرق ومؤخر (أسفل الظهر والعنق).. فقد كان شاحب الوجه أسفل الظهر والكتفين صدفي مع البرتقالي ، والسواد تحت الجناح مع بعض الريش الاخضر.

هناك على الأقل ثلاث سلالات ، والبعض الآخر تم اقتراحها :

1- Blue-naped Parrots

2- Salomonsen's Blue-naped Parrots

3- Talaud / Talautese Blue-naped Parrots

النظام الغذائي / التغذية: غذائها الرئيسي يتكون من التوت ، والبذور والمكسرات والحبوب.

معدل الحضانه وعدد البيض : متوسط عدد البيض : 2-3

الحضانة : 25 يوما

اتمنى ان ينال ع اعجابكم