ضروري الدخول

[اوراق العمر]

السلام عليكم ورحمة الله وبركاته

اسعد الله مساكم بكل خير


حبيت ابشركم اشتريت ببغاء افريقي بس عاد تكفون فزعتكم ابي كيف اعلمه على الكلام ومن

ناحية الاكل وش الي ياكله وهل الاكل احطه له باستمرار هل اطلعه من القفص دايم

انا تنقصني الخبره افزعولي

[اوراق العمر]

افا سته دخلو ولا واحد رد

[trend]

مبروك

انا مثلك شريته قبل شهرين

عمره سنة

يعني الحين سنة وشهرين

ياكل دوارالشمس

حاولت معه فواكه خضروات كل شي ماهو راضي ياكل الا شي بسيط

اكلتهالمفضلة دوار الشمس

والفول السوداني


يقولون يبيله صبر

[وليد اسعد]

مبرووك اخوي ويترباا بي عزك

الاكل
دوار الشمس
و الفول السودااني

الضاهر اخوي شاريه الييف

اذا يعض عضات من قلب
رح البقااله وخذلك كااس ابو 2.50 ريال عسل
وحط على اصبعك وطه شف كييف

[الرسام1]

الف مبروك
وتقبل مروري

[فارس سمير]

اكله المفضل دوار الشمس والتفاح مع قليل من الفول السوداني

[فارس سمير]

اوراق العمر انا معك تدريب الببغاء يبداء من عم شهر ونصف

[اوراق العمر]

طيب حبايب قلبي

انا شريته اليف ولا يعض وياكل من يدي وياكل جزر وخيار وتفاح وفول سوداني

ومن ناحية الكلام بس تصفير على خفيف ولا اسمع صوته بعدها احك راسه واقوله تعال ويجي ويركب على يدي

بس من ناحية الكلام كيف ادربه ....

[fawzi]

المشاركة الأصلية كتبت بواسطة اوراق العمر

السلام عليكم ورحمة الله وبركاته

اسعد الله مساكم بكل خير


حبيت ابشركم اشتريت ببغاء افريقي بس عاد تكفون فزعتكم ابي كيف اعلمه على الكلام ومن

ناحية الاكل وش الي ياكله وهل الاكل احطه له باستمرار هل اطلعه من القفص دايم

انا تنقصني الخبره افزعولي

الف مبروك على البغبغاء الافريقي اخوي الافريقي بغبغاء ذكي وحذر في اشياء لازم انت تعرفها عن الطير لان برضو هذا كائن حي له متطلبات يجب عليك ان تلبيها من جميع النواحي اهم شيء الان انك تعطي الطير وقت كي يتاقلم لفتره من شهر الي شهر ونصف كي يتعود على الوضع الي هو فيه ثاني شيء الاهتمام بالنظافه وهذا ضروري جدا يجب تنظيف القفص يوميا وتغير الماء وغسل ايضا مشربيه الماء تنويع الطعام للبغبغاء والان يوجد خلاطات تباع في محلات الطيور متنوعه من جميع البذور والفيتامينات نصيحه لاتعرض الطير الي اي تيار هوائي بارد ووضعه في مكان دفيء ويفضل تغطيته اثناء الليل مع مراعاه وضعه في مكان هاديء من بعد المغرب مع مراعاه اطفاء الاناره لان في الطبيعه الطيور تنام عند غروب الشمس وتستيقظ عند بزوق الفجر ومن هذه الناحيه يجب عليك ان تشمس الطير مع اول بزوق الفجر وقبل غروب الشمس ...بالنسبه الي الكلام بعد مايتاقلم الطير على الوضع تستطيع ان تعلمه كلمات بسيطه نفس الو ,بابا,حبيبي,عبود,مين ,هلا ,وان شاء الله مع التلقين المستمر والمحافظه على النظافه المستمره والاهتمام بالتغذيه الجيده البغبغاء راح يحبك ويوثق علاقته مع المربي لان البغبغاوات طيور اجتماعيه لاتحب العزله لذلك يجب وضعه في مكان تجمع العائله وقت النهار مع مراعاه رفع القفص في مسافه 3تر كي يحس بالامان لان الافريقي اول شيء يبحث عن الامن والامان ثم يبحث عن الصحبه .تحياتي لك واتمنى اني وصلتلك شيءؤ بسيط من المعلومات وان شاء الله الاعضاء ماراحو يقصرون معاك ..