نصيحتكم يا اعزائي ...

[سبورت]

السلام عليكم ورحمه الله وبركاته .. كل عام وانتم بخير ورمضان كريم عليكم ... اولا انا عضو جديد وابغى ترحبون في معكم بمنتداكم الطائر والرائع ذا ... ثاني شي انا ابي اشتري ببغاء افريقي نيجيري ... عمره يتراوح بين الـ 8 اشهر الى السنه مادري تحديدا وسعره 1800 ريال سعودي .. طبعا بعد ماقلي بالبدايه الفين وطلعت روحه .. والببغاء نظيف وباين عليه يعني حلو تنصحوني اشتري او ماشتري .. وهل توجد بهذه الفتره فيروسات منتشره بين الطيور .. او انه اشتريه واوديه عند البيطري واكشف عليه .. ارجو الرد قريبا . وشكرا لكم وشكرا على وقتكم الثمين ... تحيآتي ^_^

[عاشقة الطيور]

وعليكم السلام ورحمة الله وبركاته

علينه وعليك اخوي .. وياهلا ومرحبا فيك

عن السعر ماادري ان شاءالله الخبراء بيفيدونك .. وعن الفيروسات اظن فيه واي طير بتشتريه لمصلحتك لازم توديه للبيطري

وبالتوفيق ان شاءالله

[حياتي كلها كاسكو]

وعليكم السلام ورحمة الله وبركاته اخوي انت تقول انه نيجيري وهذا سعره غالي مرررررررررررره انت من وين نصيحتي لك لا تاخذه الا 500 لأن هذا أسعارها عندنا بالرياض والافضل انك تاخذ هولندي محجل عمره أربع شهور طير على كيف كيفك وسعره من 2000 الى 2500 بس نيجيري ب1800 والله مع احترامي اللي بيبيعك نصاب لاتستعجل وتأكد من السعر في المحلات الثانيه .

[ابولمعه]

وعليكم السلام ورحمة الله وبركاته
اخوي ان كان ممى يسمى هولندي مثل ماذكر الاخ فهذي اسعارها اما الصيد المسمى بالتمنة فلا يزيد عن 500 ولو اليف جدا ويتكلم ما يوصل 900-
ولازم تنتبه لعمره حتى لو كان هولندي فقد يكون كبير بالعمر ويصعب عليك تعليمه
انصحك ان قدرت تصوره كم صوره وخصوصا العين من قريب وترفقها هنا والشباب ما هيقصرو هيفصو لك لحمه ودمه

[a.s.a]

الي هو التمنه


لا لا هذا السعر مره كثيييييييييييير عليه

انا شاري كاسكو افريقي بدون حجل ب1200

والنيجيري اذا كان هو التمنه فما انصحك فيه ابدا

واذا بتشتري ببغاء لا تاخذ الا صغييييييييير نصيحه

[سبورت]

السلام عليكم .. مشكورين جميعـآ .. والله يا اخوان انتم كذا تحرجوني انا مالي خبره لا بالببغاوات ولا بالكناري .. بس هو رمادي وذيله احمر .. ومن عيونه باين عليه صغير .. وقال انه مروض ويتكلم كلمتين .. هذا هو الموضوع .. وانا بس ابي المشوره . انا ماشتريته للحين انا داري ان النصابين كثير الله بس يمحيهم .. ولكن مابي الا نصيحتكم .. وانا بسأل عن الهولندي ذا واشوف .. اشكركم من صواميل قلبي المصديه .. ^_^

[yooyoo]

ذيل احمر اخوي مو تمنه

افريقي

1800 بالنسبه له يتكلم كلمتين و والف وعيون سود

اتوكل على الله وان رخص لك 1500 بيكون جدا مناسب

وموفق ان شاء الله

[فتفوته]

الطير اذا اليف ومايجعر وحركي
ويتكلم كلمتين ونضيف وصحته ممتازة ووقفته على المجثم وريشه كامل ومايعاني من اسهال وفتحة الانف نظيفة وأكله منوع , واصابع رجلينه كاملة
توكل على الله واشتريه
او اذا حاب تتأكد عن صحته اكثر كلم راعيه يحجزه لك لمدة ثلاث ايام وكل بعد فترة خذ نظرة على الطير ,,الين تقتنع فيه ,, لأن الان للاسف الشديد اغلب البائعين تعاملهم نصب واحتيال على المشتري ,,

[سبورت]

مشكورين حبايب قلبي ماقصرتوا ويعطيكم الف عآفيه .. عاد انا بعمل بنصائحكم وانشالله لي عوده مع صور الببغاء وادعولي بالتوفيق .. ^_^