اجرائات سفر القطط

[dr_mido]

السلام عليكم ورحمة الله


اخواني ابي استفسر بالنسبة للجرائات اللازمة لسفر لقطط

انا ابي اخذ قطة او جوز من مصر للسعودية ايش هية الاجرائات الي مطلوبة عشان يسمحو بدخول الحيوان من هنا في مصر شو مطلوب مني اسوي وفي مطار جدة


ومشكورين مقدما

[nobody-know-me]

مرحبا اخوي ..

بالنسبه لي مره اخذت قطو من الاردن - مكان دراستي - الى البحرين قبل سنه ..

و كمان صار العكس قبل اسبوع .. جبت قطوتين من البحرين لين الاردن ..

سألت عن المطلوب و الاجراءات قالوا لي :

تطعم القطو تطعيمة الشهرين ..

و تسوي له جواز سفر و بهالجواز هذا بيعطونه بعد تطعيم سفر ..

و بعدين لما توصل بالسلامه ياخذونه للحجر الصحي و يكشفون عليه ..

هذا الكلام بالبحرين - الاردن ..

بالنسبه للسعوديه صراحه ماعندي فكره بس ما اتوقع انو الموضوع معقد ..

و عشان تحط ببطنك بطيخه صيفي و ترتاح ..

اتصل على المطار و اسألهم بنفسك عشان تتاكد ..

موفق ..

[dr_mido]

حالك مثلي انا بدرس في مصر والله مدري عندنا معقدين بسبب الفلونزا اليرو والامراض

عادي تطلعها معاك الطيارة ولا في الشحن ومشكور اخوي وبي يوفقك في دراستك ويهون عليك الغربة

[مربي الطيور]

بخصوص السفر توديها للبيطري يسوي لها فحص ويكتب انها سليمة بعدين تسفرها معك
الكلام منقول من الموضوع المثبت متطلبات القط

[dr_mido]

مشكور اخوي على مرورك ومنور الصفحة

[مربي الطيور]

منوره بوجودك اخوي

[nobody-know-me]

والله انا يوم سافرت اخذوها و حطوها بالشحن ..

بقسم خاص للحيوانات ..

طبعا كانت بالقفص الخاص فيها ..

و اول ما توصل تطلع اوووول وحده على سير الامتعه قبل كل الشنط ..

الله يوفقك اخوي و ترجع للديره سالم و غانم ان شا الله ..

بالتوفيق ..