الفزعه تكفون أبي حل لمشكلتي

[الهايم]

السلام عليكم ورحمه الله وبركاته.

انا عندي بغبغان أفريقي من نوع الكاسكو وصارله عندي من شريته تقريبن شهر ونصف مايصفر الاتصفيره وحده من شريته علني والله ماقصرت معه أجلس معه بساعات ونا اكلمه ولا فيه فايده
ونفس التصفيره ماتغيرت ؟
والله اني فكرت ان الطير أطرم ولافيه شي الحقو علي طفشني بغيت أبيعه وفتك .واسف علا الأطاله
والله يوفقنى وياكم .وياليت الرد او الحل يكون بئسرع وقت ممكن .وشكراً..

[محمد الرياض]

شهر و نصف !!

يخوي ترى الصبر زين ..

راجع تجارب من سبقوك و بتعرف وين انت بالضبط ..

[الجااارح]

المشاركة الأصلية كتبت بواسطة الهايم

السلام عليكم ورحمه الله وبركاته.

والله اني فكرت ان الطير أطرم ولافيه شي ..

أخوي / الهايم

وعليكم السلام ورحمة الله وبركاته ،،،،

أولا أهلا وسهلا فيك يا أخوي الغالي وحياك الله بيننا وان شاء الله تفيد وتستفيد ...

يا اخوي الغالي :

صدقني الكلمة اللي بقيتها لك في الاقتباس تركت شيء في نفسي الله يسامحك بس رمادي تقول عنه اطرم

عموما :
زي ما قال لك عزيز / محمد الرياض راجع خبرة من سبقك وتشوف الفرق ..
أنا راح اقول لك على شيء ان شاء الله انه يفيدك ويحقق لك نتيجة سريعة ..

علم الطير حقك كلمة وحده في البداية وسهله أنا راح اقول لك خله كلمة ( الو ) وكررها له في اليوم ما لا يقل عن 30 مرة ولكن ياليت تكون متفرقة يعني في الصباح والعصر والعشاء كرر له الكلمة هذ بس الين ما يقدر ينطقها لا تغير له الكلمة ذي ابدا الا في حالة انه مر عليه شهر ولا نطقها فغيرها وانا اقول لك ان شاء الله راح ينطقها خلال اسبوعين بالكثير ان شاء الله ....

وعلى فكرة :
لا تبيع الطير اتمنى انك تصر على انك تعلمه وتخليه خوي لك يا صاحبي ... لانه بصراحة حلاة الطير في ترويضه وتدريبه وتعليمه الكلام ...


آسف على الاطالة يا غااالي

تقبل مروري وكافة تحياتي

[تاكو]

مثل ما قال محمد الرياص

الشغله يبغى لها صبر وصبر طويل

اقل شئ حدود السنه وهناك بعض العوامل

تتحكم تدريب الطير مثل البيئه التي يعيش فيها

عمر الطير طريقة التعامل معه الغذاء وهناك مواضيع مثبته مفيده جداً

ارجو الرجوع اليها وتجد هناك تجارب بعض الأعضاء

وفقك الله

[شمس]

انا نفس المشكله شوف شسويت انا سميته كوكو وكل شوي اردد الكلمه وغيرها من الكلمات ونفذ صبري وفد يوم شلت الاكل عن من الليل وفي الصباح سلمت عليه وقمت اراوي حبة دوار الشمس وكل ما يمد راسه يريد ياخذها اكله كوكو وما عطيتهياه الا وكال كوكو ونا ما صدقت وضليت استعمل هذه الطريقه ومره اقل له قول نور ونطقها ومع الوقت بدا ينطقها من غير الحبوب خلال 3 ايام استعمل هذي الطريقه فهي جيده وجربتها بنفسي