اليلوناب يلقط من الكاسكو...؟؟

[qatari74]

بسم الله الرحمن الرحيم


السؤال ناوي أن شاء الله اشتري يلوناب فرخ وعندي كاسكو يتكلم وعنده جمل طويله

هل إذا حطيتهم مع بعض راح يلقط اليلوناب الكلام من الكاسكو ويتعلم والا لا ..؟

وإذا ممكن انه يتعلم من الكاسكو كيف ألطريقه ..؟


وشكراً

[the_gostman]

نعم اخي ممكن يتعلم منه.. لكن يمكن ما تكون واضحه

فالاضل انك انت تلقنه بصوتك وبنبره عاليه وواضحه


بالتوفيق

[أسيــــر]

حياك الله اخوي
هو ممكن انه يلقط بعض الكلامات من الكاسكو
ان كان صوته قوي وكلماته واضحه وحسب استيعاب اليلوناب له
لكن لاانصحك بذالك لعدة اسباب
*صوة الطير لن يكون رنان بهيبة اليلوناب
*عدم وضوح مخارج الكلمات
*الاداء راح يكون كاطابع الكاسكو
*كسب بعض الصريخ ان كان الكاسكو مزعج
طير بمستوه اليلوناب يفضل تلغينه منك شخصيا
او وضع تسجيل لطير نفس الفصيله ويعاد التكرارعليه لجمله معينه
بتوفيق ان شاء الله

[عاشق الكلاب و القطط]

المشاركة الأصلية كتبت بواسطة أسير.

حياك الله اخوي
هو ممكن انه يلقط بعض الكلامات من الكاسكو
ان كان صوته قوي وكلماته واضحه وحسب استيعاب اليلوناب له
لكن لاانصحك بذالك لعدة اسباب
*صوة الطير لن يكون رنان بهيبة اليلوناب
*عدم وضوح مخارج الكلمات
*الاداء راح يكون كاطابع الكاسكو
*كسب بعض الصريخ ان كان الكاسكو مزعج
طير بمستوه اليلوناب يفضل تلغينه منك شخصيا
او وضع تسجيل لطير نفس الفصيله ويعاد التكرارعليه لجمله معينه
بتوفيق ان شاء الله

بعد هذا الكلام ما اقدر اكلم

[عزوزالعبدالله]

عطاك العلم اسير

[qatari74]

بيض الله وجيهكم جميعا

وخلاص الغيت فكرة التلقين من الكاسكو

والله يعيني على التلقين

[شرارة]

لقنه نفس الكلام اللي يقوله الكاسكو وحط اقفاصهم جنب بعض

الكاسكو راح يحفز ويشجعه على سرعة الكلام وبذات اذا كان نفس الكلام اللي تلقنه

اهو نفس الكلام اللي يقوله الكاسكو

وراح يتعلم مخارج الحروف وقوة الصوت منك انت والتحفيز يكون من الكاسكو

هذا رئيي وراح يكون اريح لك لانه بيتكلم بسرعة
وبعدين اذا خلاص انطلق لسانه تلقنه كلام جديد وجمل طويله
واتمنا لك التوفيق اخويي