شلبي !!*

[M A N D]

السلام وعليكم ورحمة الله وبركاته ..
عندي كم سؤال عن شلبي قطي ..

امم
ابغى اعرف كم عمره تقريبًا .. لان فيه دكتور قالي اذا عمر قطي 5 شهور يطعمه لي حقت الفطريات ..

طبعًا القط مو مطعم ابد وش رايكم اطعمه حقت الفطريات ولالا واذا فيه تطعيمات ثانية مهمة قولوا لي عشاني ما اعرف للتطعيمات وذا الاشياء

+

وش نوعه ؟
ووش ينفع له انثى .. ابغى نوع محدد عشان ما احوس .. وبعد ابي الانثى لونق هير .. فـ وش رايكم ؟

+

انا ما اشتري له دراي فود ابد .. واعطيه لحم مفروم مش مطبوخ مع خضار مسلوقه و احشاء الدجاج < لحد يسألني وش هي امي تجيبها من بنده وشلبي يحبها مرره واعطيه قشطه ولبنه وجبن مثلثات .. بس احسه مل من هَذي الاكلات .. يعني زي اللحم المفروم ما عاد ياكله ابد .. وش رايكم وش اعطيه ..

+

شلبي مرره مشاغب .. يعني ينام طول اليوم ويقوم ساعتين مثلًا .. واذا قام غصب نلعب معه .. اقعد العب معه انا واخواني لما نطفش ونتعب وهو للحين يبي يلعب زيادة ويقعد يتعلق برجولنا ويخمشها .. رجلي تشوهت منه .. وحاولت اعاقبه برشاش المويه ما نفع وصار ما يخاف منه اصلًا .. وبالضرب الخفيف نفع شوي بس اخواني صغار ويقالهم يقلدوني انا وامي ويضربونها بقوا .. اخوي صغير وما يفهم وكل ما شافها ضربها .. وماعاد عرفت وشلون اعاقبها ..

وو بس .. ادري كثرت هذره .. اخليكم مع الصور













ومتشكرين اووي <3 <3

[الاليفه]

اهلا اخي الكريم

انا ما اعرف كثير بانواع القطاوه
ولكن ممكن يكون ( امريكي )
واذا تبغى تزوجه من الافضل تجيب له قطه امريكيه
لكي لا يحدث تشوه وعيوب خلقيه في الكيتن

وبالنسبه للمشاغبه
انت تعرف انه صغير ويحب اللعب
ولازم تلعبه
فلما يجي يعظكـ رش عليه مووويه
واتركه
وتجاهله بالكامل
واذا جا يعضك لا تسوي اي شئ يحبه
لا تلعبه ولا تقدم له طعام
لانه راح يعرف انه اذا عضكـ تعطيه شئ يحبه
بس سوي الاشياء اللي يكرها



وبالنهايه
انا ما ابغى احد يقول كلامك خطا ووووووو
كل واحد له رايه
واسفه اذا كنت فظه
والله يوفقكم

[Octopus]

اعتقد نوعه دومستيك مب امريكي

و هو صغير في العمر يمكن شهر ونصف

وممكن لو تحطي صورة ل اسنانه يكون افضل

[هيـروز]

بالنسبه للعمر تعرفينه عن طريق الاسنان .
والتطعيمات هي بس التطعيم الثلاثي والسعار واللوكيميا .
لكن ابرة الفطريات ماقد سمعت عنها !!

اتفق مع اوكتوبس القط دومستيك شورت هير .
ولو زاوجتيه مع لونق هير بيطلع الانتاج سيء ومشوه لا تغلطي غلطتي ..
زاوجيه بقطه زيه .

بالنسبه لاطعام القط انتي لازم تمشين بنظام
في نظام الراو فود اللحم الني . وهو الافضل والاصح وطعام القطط في الطبيعه .
فيه نظام الاكل المنزلي المطبوخ .
ونظام المعلبات المخصصه للقطط اي الويت فود

ايهم تبغين تمشين عليه واحنا حنعطيك التفاصيل .

وبالنسبه للعقاب القطط ماتفهم شي اسمه عقاب
والضرب ورش الماء راح يخاف منك ويحسبك تضربينه ماحيفهم انك تعاقبينه .
ممكن التريتس اي المكآفاه تفيد معه . وطبعاً هو صغير ولازم تتحمليه . فتره وتعدي

[فاتـــو]

اهلين اخي
ماشاء الله قطتك حلوة
عمرها مايتعدى 4 شهور وبالنسبة للتطعيم مافي شي اسمه تطعيم ضد الفطريات !!
اهم التطعيمات
تطعيم للألتهاب الرئوي وواحد للألتهاب المعوي والثالث ضد الديدان
غير الطبيب لانه باين عليه ماعنده خبره ابدد
بالنسبة للأكل الافضل انك تسلق اللحمةالمفرومة والامعائ قبل التقديم
وبالمرقة تسلق انواع من الخضار لااازم التنويع
كوسه بطاطس ذره قرنبيط جزر بازلاء
وممكن تجمد الاكل وتطلعة وتسخنه للقط يعني مو تطبخ كل شوي
وبالنسبة للألبان مرتين بالااسبوع كحد اعلى والاسماك بعد

وبالنسبة للعب
اخي انت عندك معلومة خاطئة عن اللعب !!
اللعب والمرح مو خطأ علشان تعاقبونه عليه
هذا شي فطري بالقطط المفروض ماترش عليه مويه او تضربه حتى لو ضرب خفيف
انصحك تجيب له قط من نفس عمره هو يحس بالوحده وبالذات بها العمر محتاج يلعب
وينمي المهارات القتاليه الموجوده في كل القطط
اتمنى تكون الفكرة وضحت لك
علشان يوم يكبر مايصير خامل ومايلعب وعصبي كل مالمسته يضربك