ببغائي تعبااان افزعوا لي

[bda5655]

السلام عليكم و رحمه الله و بركاته
اولآ احب اشكر الاخوه القائمين على هذا المنتدئ الرائع
و ثانيا مثل ما هو باين بالعنوان انا عندي ببغائين احتمال عمرهم خمس شهور يزيدون و ينقصون شوي
اليوم واحد منهم لاحظت عليه خمووول و لا يأكل و عيونه متسكره ولا يقدر يطول فاتحها و طايح بالنوم و برازه اكرمكم الله سائل جزء منه لونه شفاف و الاخر ابيض كما ان المنطقه اللي عند منقاره يغلب عليها اللون الاحمر و صاير بليد اول يخاف و الحين ما جاب خبر احد بدايه الامر توقعت ان اللي فيه نوم بس الببغاء الثاني يلعب و ياكل احسن شي بالاخير عرفت انه مريض وديته لبيطري بس ما اقتنعت فيه لكن عطاني مضاد اسمه Spectin قطره يقول لي حط بالمويه نقطتين الببغاء ما يشرب و لا ياكل قال لي نقط بفمه و نقطت لكن يا اخوان ابي شوركم و تجربتكم

**** هل فيه اشكال لو اخلي الطيور بقفص واحد او بغرفه سوا
و شكرا جزيلآ

[Naja]

مايشوف شر ان شالله..
مع الاجواء المتقلبة اتوقع أصابته ببرد خاصة مع الاحمرار ويصاحبه اسهال.
أتمنى ان تستعجل العلاج ، وسبق اني استخدمت البايتريل (اسأل عن انروفلوكساسين) مخفف بالماء لعلاج حالة مشابهة و اغر الطير في الفم، كنت استخدم سرنجة 10مل ، اسحب 0.3 مل يعني اقل من نصف ملي فقط على المقياس والباقي ماء) لمدة 5 ايام.

اهم شي حافظ على دفء الغرفة وبدون تيارات ، يعني مكيف حار ماينفع ، والشي الثاني نظافة الأرضية بشكل مستمر مع كل مرة اخراج وخاصة لو قررت تترك الطيرين مع بعض (طبعا افترض انك فاصلهم بقفصين)، لأن نقل العدوى يزيد مع الاخراجات.

وفي انتظار ما يستجد..

[bda5655]

الشر ما يجيك يا الغالي
و شاكر مرورك العطر
انا امس العشاء و الساعه 6صباحآ عطيته غر ما يقارب 0,3مل من Spectin بدون تخفيفه بالماء لانه ما يشرب ماء ولا ياكل علمآ اني حطيت من العلاج الموصف لي بالماء و غريته ماء و موز مهروس
الكلام هذا كان آخر الليل البارح و اليوم الفجر لانه ما اكل شي من امس العصر تقريبآ
وعلشان كذا مدري هل اواصل معه بالعلاج هذا بالاضافه لـلبايتريل و كم مره اعطي الطير باليوم

*** انروفلوكساسين علاج اخر والا صنف من البايتريل (( ما اعرف بالادويه نهائيآ ))

## امس كان مسكر عيونه و ماله خلق احد و مطنش العالم و لا يخاف و لا ينافخ مثل العاده اليوم الفجر اغره ماء و موز و كانه بدا ينافخ و يفتح عيونه شوووي ##

الف شكر مرهـ اخرى

[bda5655]

متابعه
الببغاء يستفرغ ما الحل

[نور زايد]

انا عندي نفس دواء اقطر بالماء وما شفت اي تغير بحالته قلت اتوكل على الله واعمل خلط هذي

عندك خلطه ثوم وحده مع الليمون وحده وبعد ماتخلط مكونات مع بعض غطيها لمدة 5 ساعات وبعديدها اعطيه مرة وحدة بالاسبوع

هذي خلطه اول ما تعطيه بالفم لاتخاف عليه اليوم الثاني بتلاحظ طيرك يحس بالجوع كانه ما اكل شيء بيصح من مرضة بتشوفه مافيه شي لان هذي خلطه مضاد يقوي عظامه ويعالج افرازة كل هذا بيتغير كأن فيه شي بمعدته بيشفيه

لاني عندي طير نفس حاله وعملت خلطة الحمدالله بخير ياكل يغرد بعد

لان في احد من الاعضاء ما عمل بنصيحتي اليوم الثاني مات طيرة انت حر اخوي

[bda5655]

المشاركة الأصلية كتبت بواسطة نور زايد

انا عندي نفس دواء اقطر بالماء وما شفت اي تغير بحالته قلت اتوكل على الله واعمل خلط هذي

عندك خلطه ثوم وحده مع الليمون وحده وبعد ماتخلط مكونات مع بعض غطيها لمدة 5 ساعات وبعديدها اعطيه مرة وحدة بالاسبوع

هذي خلطه اول ما تعطيه بالفم لاتخاف عليه اليوم الثاني بتلاحظ طيرك يحس بالجوع كانه ما اكل شيء بيصح من مرضة بتشوفه مافيه شي لان هذي خلطه مضاد يقوي عظامه ويعالج افرازة كل هذا بيتغير كأن فيه شي بمعدته بيشفيه

لاني عندي طير نفس حاله وعملت خلطة الحمدالله بخير ياكل يغرد بعد

لان في احد من الاعضاء ما عمل بنصيحتي اليوم الثاني مات طيرة انت حر اخوي

يعطيك العافيه اخوي(( نور زايد )) على المرور و النصيحه
لكن ما ادري هل اعطيه المضاد و خلطه الليمون و الثوم او اكتفي بالخلطه فقط

[Naja]

برأيي تبدأ الانروفلوكساسين (هذا اسم المادة الفعالة في البايتريل لأن احتمال ماتحصله ، اسأل عن المادة نفسها اسهل وخذ اجود مستحضر تحصله) ،تخفيف بنفس الطريقة 0.3 في 10 مل ماء وتغره مرتين باليوم، اذا طيرك ما يشرب لازم تهتم بهالموضوع ، انا كنت احط الدواء مع بيبي لايت من الصيدلية البشرية ، وهو ماء مع املاح يعطى للطفل لما جسمه يفقد سوائل ، ويستخدم بدل الماء في السرنجة.

[bda5655]

اليوم الصباح رحت لبيطري و دورت الباتريل و الانروفلوكساسين ولا حصلتهم وعلمته اني استخدم Spectin قالي نفس الشي كلهم مضادات انا عطيته غر الصباح و قبل ساعه من هالمضاد و الساعه ١٢ بعطيه ليمون و ثوم لعله يخف ان شاءالله
بالنسبه للبراز سائل نوعآ ما لكن تغير لونه ابيض و اخضر و عيونه ما زال مسكرها

[Naja]

حافظ على دفء المكان أكثر لأن -سبحان الله- الجسم يستجيب مع الادوية بشكل افضل.
وفي انتظار مايستجد معك.

[bda5655]

الله يجزاكم خير على متابعتكم و حرصكم